17.02.2026 | 11:12
Հայ Ազգային Կոնգրեսն իր անվերապահ աջակցությունն է հայտնում Հայ Առաքելական եկեղեցուն․ հայտարարություն
«Կոռեկտության կոչ եմ անում», «Ես կոռեկտը գիտեմ»․ ԱԺ փոխնախագահը հորդորեց լռություն պահպանել․ ՏԵՍԱՆՅՈՒԹ
Քաղաքականություն
02.05.2023 | 10:42
«ԱԺ քառօրյայի օրակարգում հրատապ հարցեր ընդգրկված չեն»,- ԱԺ նիստում այս կարծիքը հայտնեց «Հայաստան» խմբակցության պատգամավոր Գեղամ Մանուկյանը։
«Այնինչ, ադրբեջանական ագրեսիան Արցախի դեմ նոր սահմաններ է անցել, Հակարիի կամրջի վրա Ադրբեջանը դրել է ամբողջական հենակետ։
Եվ բազմաթիվ մեր հայրենակիցներ այս օրերին ցավով, կսկիծով, զայրույթով ականատես էին լինում, թե ինչպես է Հայաստանի իշխանության լռության պայմաններում շարունակվում ադրբեջանական կլանումն ու օկուպացիան։
Գաղտագողին դա այն է, երբ բանակցությունների հանդիպումից հետո մեկ էլ ԱՄՆ Պետդեպարտամենտն ասում է՝ քննարկման կետերից մեկը երկու երկրների էթնիկ փոքրամասնությունների իրավունքի հարցն է։
Գաղտագողին այն է, որ արցախահայությունն Ադրբեջանում էթնիկ փոքրամասնություն է որակվում։
Գաղտնագողին այն է, որ Արայիկ Հարությունյան-Նիկոլ Փաշինյան դավաճանական տանդեմով օրինակացրեցին ադրբեջանական մաքսակետը՝ արցախահայերին տանել-բերելով այդ անցակետով»,- հայտարարեց Գեղամ Մանուկյանը։
Նիստը վարող ԱԺ փոխնախագահ Հակոբ Արշակյանը կոռեկտության կոչ արեց ընդդիմադիր պատգամավորին։
«Ես կոռեկտը գիտեմ»,- արձագանքեց Մանուկյանը։ Նա նաև հավելեց, որ ԱԺ ընդդիմադիր պատգամավորների համար անհասկանալի է՝ ինչու է հայ-ադրբեջանական բանակցություններին մասնակցում Թուրքիայի հետ բանակցություններում ՀՀ ներկայացուցիչ, ԱԺ փոխնախագահ Ռուբեն Ռուբինյանը:
Մանրամասները՝ տեսանյութում։
