22.11.2024 | 10:07
Լյուքսեմբուրգի պատգամավորների պալատը Ադրբեջանին և Թուրքիային դատապարտող բանաձևեր է ընդունել
Կիևը պահանջում է մարդասիրական միջանցքներ բացել
Քաղաքականություն
01.05.2023 | 21:14
Ուկրաինան դիմել է Ռուսաստանին և Կարմիր խաչի միջազգային կոմիտեին՝ պահանջելով բացել հումանիտար միջանցքները՝ օկուպացված տարածքներից ուկրաինացիների հեռանալու համար: DW-ի ռուսական ծառայության փոխանցմամբ՝ այս մասին ասել է Ուկրաինայի փոխվարչապետ Իրինա Վերեշչուկը։
Նրա խոսքով՝ դիմումը կապված է ՌԴ նախագահ Վլադիմիր Պուտինի նոր հրամանագրի հետ, որը թույլ է տալիս օկուպացված տարածքներից արտաքսել Ռուսաստանի քաղաքացիություն չունեցող ուկրաինացիներին։
«Նախ՝ անհնար է ուկրաինացիներին ռուս դարձնել. հարկադիր անձնագրավորումը կամ բռնաճնշումները չեն օգնի։ Երկրորդ՝ ո՞վ է ասել, որ ռուսները երկար են ապրելու ժամանակավոր օկուպացված տարածքներում»,- գրել է Վերեշչուկը Telegram-ի իր ալիքում։
Նա կոչ է արել ուկրաինացիներին՝ Ռուսաստանի Դաշնության կողմից օկուպացված տարածքներում չվերցնել ռուսական անձնագրեր, չհամագործակցել օկուպանտների հետ, հնարավորության դեպքում՝ հեռանալ և սպասել Ուկրաինայի Զինված ուժերին։
Տաթև Ֆռանգյան
