15.01.2025 | 22:42
Թրամփն այլևս չի խոստանում 24 ժամում վերջ տալ Ուկրաինայի հակամարտությանը. FT
Մեծ Բրիտանիայի ԱԳՆ նստավայրից ուտելիք, խմիչք, ինչպես նաև խալաթներ ու հողաթափեր են անհետացել․ Լիզ Թրասին 15 հազար դոլարի հաշիվ է ներկայացվել
Քաղաքականություն
01.05.2023 | 23:02
Մեծ Բրիտանիայի նախկին վարչապետ Լիզ Թրասին 12 հազար եվրոյի (15 հազար դոլարի) հաշիվ են ներկայացրել ուտելիքի ու խմիչքի, ինչպես նաև խալաթների ու հողաթափերի համար, որոնք, ամենայն հավանականությամբ, անհետացել են Չիվնինգ Հաուսի իր նստավայրից, երբ նա զբաղեցրել է արտգործնախարարի պաշտոնը։ Այս մասին հայտնել է The Times-ը՝ հղում անելով անանուն աղբյուրին։
Առանձնատան աշխատակիցները բրիտանական կառավարությանը տեղեկացրել են խավավոր խալաթների և հողաթափերի անհետացման մասին։
«Մեծ Բրիտանիայում արտաքին գործերի նախարարը պետք է վճարի Չիվնինգ Հաուսում անցկացվող միջոցառումների համար սեփական կամ կուսակցության միջոցներից»,- գրում է պարբերականը։
Աղբյուրի տվյալներով՝ Լիզ Թրասն այդ նստավայրն օգտագործել է իր մերձավոր շրջապատի, այդ թվում՝ ընկերների ու կուսակիցների հետ հանդիպելու համար։
The Times-ը նշում է, որ բրիտանական կառավարությունը վճարում է միայն նստավայրում պաշտոնական միջոցառումների համար։ Մինչդեռ անձնական հյուրերի ընդունելություններն ու կուսակցական ժողովների անցկացումը չի վճարվում կառավարության միջոցներից։
Միաժամանակ, քաղաքական գործչի ներկայացուցիչը հայտնել է, որ Թրասը նախատեսում է վիճարկել հաշիվը, քանի որ այն կարող է ներառել ինչպես անձնական, այնպես էլ պաշտոնական ծախսեր։
Չիվնինգ Հաուսը գտնվում է Քենթում։ 1981 թվականին այն Մեծ Բրիտանիայի արտաքին գործերի նախարարի տրամադրության տակ է դրվել։
Տաթև Ֆռանգյան
