16.01.2026 | 10:47
ԱԺ պաշտպանության և անվտանգության հարցերի հանձնաժողովի նիստը. ՈՒՂԻՂ
Վրաստանն ուրախ կլինի ստանալ ԵՄ անդամակցության թեկնածուի կարգավիճակ, եթե չստանա՝ դարձյալ խնդիր չէ․ Թբիլիսիի քաղաքապետ
Քաղաքականություն
01.05.2023 | 17:01
Թբիլիսիի քաղաքապետ Կախա Կալաձեն հայտարարել է, որ անցյալ տարի Վրաստանն արժանի էր ԵՄ անդամակցության թեկնածուի կարգավիճակին, քանի որ դրա համար կոնկրետ քայլեր էին ձեռնարկվել, գրում է Գրուզիա օնլայնը։
Նրա խոսքով՝ Վրաստանին կարգավիճակ տրամադրելուց հրաժարվելը քաղաքական որոշում էր։
Միաժամանակ, լրագրողի հարցին, թե իշխանություններն արդյո՞ք հետևում են Նիկա Գվարամիայի և Միխեիլ Սաակաշվիլիի հետ կապված հրահանգներին, Կախա Կալաձեն ասել է, որ 12 կետից բաղկացած ծրագրում նրանց մասին ոչինչ չկա ասված։
«Մեր կառավարությունը պատրաստ է բծախնդիր աշխատել և անել ամեն ինչ, որպեսզի երկիրը ստանա կարգավիճակ։ Սակայն մեզանից կախված չէ, թե ինչ որոշում նրանք կկայացնեն։ Եթե մեզ տան կարգավիճակ, ուրախ կլինենք։ Եթե չտան, նույնպես խնդիր չի լինի։ Ո՛չ Գվարամիան, ո՛չ Սաակաշվիլին այդ 12 կետանոց ծրագրում չեն հիշատակվում»,- հայտարարել է Թբիլիսիի քաղաքապետը։
Տաթև Ֆռանգյան
