19.03.2026 | 11:00
Կառավարության նիստը՝ ՈՒՂԻՂ
Բրյանսկի մարզում երկաթուղային գծեր են պայթեցվել. բեռնատար գնացքը դուրս է եկել ռելսերից
Քաղաքականություն
01.05.2023 | 16:02
ՌԴ Բրյանսկի մարզի Ունեչայի շրջանում պայթուցիկ սարք է գործարկվել երկաթուղու գծերի վրա։ Այս մասին հայտնել է նահանգապետ Ալեքսանդր Բոգոմազը, գրում է Meduza-ն։
Նա իր տելեգրամյան ալիքում գրել է, որ պայթյունը տեղի է ունեցել Բրյանսկ-Ունեչա հատվածի 136 կմ-ում։ Ըստ Բոգոմազի՝ բեռնատար գնացքի լոկոմոտիվը դուրս է եկել ռելսերից։ Մարդիկ չեն տուժել, ճանապարհի այս հատվածով երթևեկությունը ժամանակավորապես դադարեցվել է։
Baza-ն իր հերթին հայտնում է, որ ռելսերից դուրս է եկել ոչ միայն լոկոմոտիվը, այլև նավթամթերք ու փայտանյութ տեղափոխող բեռնատար գնացքի յոթ կամ ութ վագոն։ Բացի այդ, բեռնատար գնացքում հրդեհ է բռնկվել։
Հավելենք, որ Ուկրաինայում պատերազմի մեկնարկից հետո ռուսական հատուկ ծառայությունները բազմիցս հայտարարել են երկաթուղիներում դիվերսիա նախապատրաստելու մեջ կասկածվողների ձերբակալության մասին։ Դեռ ապրիլի կեսերին Mediazona-ն հայտնել էր, որ Ռուսաստանում երկաթուղիներում դիվերսիաների գործով ավելի քան 65 մարդ է ձերբակալվել, որոնցից յուրաքանչյուր երրորդն անչափահաս է։
Էմմա Չոբանյան
