17.05.2026 | 12:40
ՄԻՊ-ը խիստ մտահոգիչ է համարում «Նուբարաշենի» հոգեբուժարանում արձանագրված ինքնասպանության դեպքը
Էրդողանը հայտարարել է, թե Թուրքիան Սիրիայում վնասազերծել է ահաբեկիչների առաջնորդին
Քաղաքականություն
01.05.2023 | 13:01
Սիրիայում իրականացրած գործողության արդյունքում Թուրքիայի անվտանգային ուժերը վերացրել են ԴԱԻՇ-ի առաջնորդ Աբու ալ-Քուրաշին։ Այս մասին հայտնել է Թուրքիայի նախագահ Ռեջեփ Թայիփ Էրդողանը հեռուստեթերում։
«Այդ անձը չեզոքացվել է երեկ Սիրիայում թուրքական ազգային հետախուզական կազմակերպության գործողության շրջանակում։ Երբ Ամերիկան չեզոքացնում է ԴԱԻՇ-ի առաջնորդներին, նրանք այդ մասին աշխարհով մեկ հայտարարում են։ Հիմա մենք վնասազերծել ենք ոչ թե մեկ, ոչ երկու, ոչ երեք, այլ մի քանի առաջնորդի կապված ԴԱԻՇ-ի հետ»,-ասել է Էրդողանը։ Նա նաև հայտարարել է, որ MIT-ը (Ազգային հետախուզական կազմակերպություն) վերածվել է արդյունավետ կազմակերպության։
Հավելենք, որ ապրիլի 25-ին ուղիղ եթերում ինքնազգացողության վատանալուց հետո սա Էրդողանի առաջին հրապարակային հարցազրույցն էր։
