18.05.2026 | 16:11
Թուրքիան և Իսրայելը մերժել են Ուկրաինայի բռնազավթված տարածքներից հացահատիկ տեղափոխող ռուսական նավի մուտքը
Իրանի նկատմամբ ԱՄՆ-ի պատժամիջոցներից կտուժի նաև Թուրքիան
Տնտեսություն
28.06.2018 | 13:19
Նավթի արտահանման հարցում Իրանի Իսլամական Հանրապետության (ԻԻՀ) նկատմամբ ԱՄՆ-ի պատժամիջոցները բացասաբար կազդեն Թուրքիայի վրա. փոխանցում է ermenihaber-ը:
Այդ մասին հայտնել է ԱՄՆ-ի պետքարտուղարության մի բարձրաստիճան պաշտոնյա, ում անունը չի հրապարակվում։ Նա նաև նշել է, որ բացի Թուրքիայից պատժամիջոցները բացասականորեն կանդրադառնան Չինաստանի, Հնդկաստանի, Հարավային Կորեայի, Ճապոնիայի վրա, քանի որ վերջիններս նույնպես նավթ են ներմուծում Իրանից։
Նշվում է, որ Թուրքիան տարեկան տարբեր երկրներից ներկրում է մոտ 25.7մլն տոննա նավթ, որից 11.4մլն տոննան ներկրվում է միայն Իրանից։ Թուրքիայի էկոնոմիկայի նախարար Նիհաթ Զեյբեքչին վերջրերս հայտարարել էր, որ Իրանի նկատմամբ ԱՄՆ-ի պատժամիջոցները չեն անդրադառնա Թուրքիայի վրա։
Հիշեցնենք, որ ԱՄՆ պետքարտուղարությունը կոչ էր արել բոլոր երկրներին այս տարվա նոյեմբերից դադարեցնել իրանական նավթ ներկրել: ԱՄՆ-ի պաշտոնյաներն այցելում են եվրոպական և ասիական երկրներ, որպեսզի ստիպեն նրանց հրաժարվել իրանական նավթից:
