Ուկրաինան հայտնում է հրթիռային նոր հարձակման մասին

Ուկրաինական լրատվամիջոցները ականատեսներին հղումով գրում են, որ պայթյուններ են լսվում Կիևում և տարածաշրջանում։ Կիևի շրջանային վարչությունը հայտնում է, որ գործում են ՀՕՊ համակարգեր։Այս մասին իր Telegram ալիքում գրում է նաև Ուկրաինայի նախագահի աշխատակազմի ղեկավար Անդրեյ Երմակը։ Տեղեկություններ կան նաև Դնեպրոպետրովսկի և Սումիի շրջաններում տեղի ունեցած պայթյունների մասին։ Դրանք դեռ պաշտոնապես չեն հաստատվել։

Կիևի վարչակազմը Telegram-ի իր ալիքում հայտնում է, որ Ուկրաինայի հակաօդային պաշտպանության ուժերը, ըստ նախնական տեղեկությունների, խոցել են ռուսական բոլոր հրթիռներն ու անօդաչու թռչող սարքերը։ Մայրաքաղաքի իշխանությունները հավելում են, որ խաղաղ բնակչության շրջանում զոհեր չկան, ինչպես նաև բնակելի շենքերի և ենթակառուցվածքների ավերածություններ։

Ուկրաինացի զինվորականները հաստատել են, որ մայիսի 1-ի գիշերը ռուս զինվորականները ռազմավարական ինքնաթիռներից արձակել  են 18 X-101/X-555 թևավոր հրթիռներ։ Ինչպես Facebook-ում գրել է Ուկրաինայի զինված ուժերի գլխավոր հրամանատար Վալերի Զալուժնին, հարձակումը սկսվել է մոտավորապես ժամը 02:30-ին, որին մասնակցել են ինը Տու-95 ռմբակոծիչներ․ դրանք գործել են Օլենգորսկի շրջանում (Մուրմանսկի մարզ) և երկու Տու-160՝ Կասպից ծովի տարածքում։

«Ուկրաինայի Զինված ուժերի ռազմաօդային ուժերի հակաօդային պաշտպանության ուժերն ու միջոցները ոչնչացրել են բոլոր 15 հրթիռները» – գրել է Զալուժնին։