25.11.2024 | 22:33
Լոնդոնը ներկայացրել է ՌԴ «ստվերային նավատորմի» դեմ միջոցառումների ամենամեծ փաթեթը
Հայտնի են առողջության համապարփակ ապահովագրության փաթեթում ներառված ծառայությունները, ապահովագրության գումարի չափը՝ ոչ
28.04.2023 | 15:38
«Առողջության համապարփակ ապահովագրության» մասին օրենքի նախագիծն արդեն e-draft հարթակում է։ Ապահովագրության փաթեթում ընդգրկված բուժման ծառայություններն են՝ կանխարգելիչ, բուժական, խորհրդատվական, պալիատիվ, դեղորայքային օգնություն ցուցաբերելը, ինչպես նաև՝ ախտորոշիչ հետազոտություններն և վերականգնողական բուժումները։ Սակայն նախագծում դեռ չի հստակեցվում գումարի չափը, թե որքան կարժենա տվյալ ծառայություններից օգտվելու ապահովագրության փաթեթը։
Ապահովագրավճարը վճարելու օրվան հաջորդող ամսվա մեկից անձը կարող է ստանալ ապահովագրված անձի կարգավիճակ, որը գործելու է միջև ապահովագրված անձի կարգավիճակը դադարելու ամսվա վերջին օրը։ Վկայագիրը ապահովագրված անձին տրամադրվելու է առողջության առաջնային պահպանման այն բժշկական կազմակերպության կողմից, որտեղ անձը գրանցված է։ Այս առումով, նաև կարևոր է, որ բժշկական կազմակերպությունը և դեղատունը համապատասխան պայմանագիր կնքած լինեն հիմնադրամի հետ։
Ապահովագրված անձի ապահովագրական փաթեթից օգտվելու նախապայմանը տարեկան պարտադիր բժշկական կանխարգելիչ զննություն անցնելն է: Այսպիսով, Լիազոր մարմնի կողմից քաղաքացիներին տրամադրվելու է առողջության համապարփակ ապահովագրության վկայագիր։ Վկայագրի հետ միասին տրվելու է նաև իրազեկման թերթիկ, որտեղ ներառված են լինելու ապահովագրված անձի իրավունքներն ու պարտականությունները։
Ըստ օրենքի նախագծի՝ ստեղծվելու է նաև ռեսգիստր, որտեղ ներառված պետք է լինեն ապահովագրված անձի տվյալները։
Նախագծի հիմնավորման մեջ նշվում է, որ առողջության համապարփակ ապահովագրության ներդման արդյունքում նախատեսվում է բոլոր ապահովագրված անձանց համար նախատեսել միևնույն ծածկույթը, անկախ վճարունակությունից և սոցիալական կարգավիճակից (տարբերությունները կարող են պայմանավորված լինել միայն տարիքով և սեռով պայմանավորված հատուցումների առանձնահատկություններով)։
Հիշեցնենք, որ այս տարվա հունվարին e-draft հարթակում հանրային քննարկման էր դրվել առողջության համապարփակ ապահովագրության հայեցակարգի նախագիծը: Հայեցակարգի հաստատումից հետո նախարարությունը սկսեց օրենքի նախագծի շուրջ քննարկումները։
Թեման առավել մանրամասն` հետևյալ հղմամբ։
Անի Թամրազյան
