Կյանքից հեռացել է ՀՀ մշակույթի վաստակավոր գործիչ Արմեն Սաֆարյանը

Լուրեր

18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
18.11.2026 | 22:08
Եկեք գնանք ժողովրդին հարցնենք, մնացածն ի՞նչ կապիկություն է․ Միրզոյանը՝ Դավթյանին. ՏԵՍԱՆՅՈՒԹ
18.11.2026 | 21:55
Աստղագիտության միջազգային բաց օլիմպիադայում ՀՀ թիմն արժանացել է 6 մեդալի
18.11.2026 | 21:44
Պայմանագրային զինծառայող է մահացել
18.11.2026 | 21:35
Իսրայելի խորհրդարանը նոր խոսնակ ունի․ նրան աջակցում են Նեթանյահուի հակառակորդները
18.11.2026 | 21:24
Կոտայքի մարզում վթարային ջրանջատում կլինի
18.11.2026 | 21:13
GTA VI-ը պաշտոնապես թողարկվել է
18.11.2026 | 21:00
Փաշինյանը ԵՄ-ին անդամակցելուց խոսեց՝ բարձրացնելով Պուտինի հետ սակարկության գինը․ Նարինե Մկրտչյան․ ՏԵՍԱՆՅՈՒԹ
18.11.2026 | 20:50
ՀՀ-ն 250 մլն եվրոյի նոր վարկ է վերցնում
18.11.2026 | 20:40
Էդուարդ Բաբայանը՝ «Գործարար»-ի ցուցակով․ ով ում հետ է բացառում կոալիցիան Աբովյանում
Բոլորը

ՀՀ ԿԳՄՍ նախարարությունը տեղեկացնում է, որ 2023 թվականի ապրիլի 25-ին 64 տարեկան հասակում կյանքից հեռացավ ՀՀ մշակույթի վաստակավոր գործիչ, Տիկնիկային արվեստի գործիչների միջազգային միության (UNIMA-Հայաստան) հայկական կենտրոնի նախագահ /ՏԱԳՄՄՀԿ/, բեմադրիչ Արմեն Սաֆարյանը:

​Արմեն Սուրենի Սաֆարյանը ծնվել է 1958 թվականին Երևանում՝ նկարչի ընտանիքում: 1980​ թ. ավարտել է Երևանի գեղարվեստա-թատերական ինստիտուտի ռեժիսորական բաժինը, ապա ուսումը շարունակել Մոսկվայում՝ անցնելով տիկնիկային թատրոնների գլխավոր ռեժիսորների դասընթացները:

​1988 թվականին կազմակերպել է ստվերների տիկնիկային թատրոնի թատերախումբը, իսկ 1989-1992 թթ. եղել է Գյումրու ՊՏԹ-ի գեղարվեստական ղեկավարն ու գլխավոր բեմադրիչը:
​​1992 թվականից մինչ իր մահը ղեկավարել է Տիկնիկային արվեստի գործիչների միջազգային միության (UNIMA-Հայաստան) հայկական կենտրոնը:

​​1999-2000 թվականներին հանդիսացել է Երևանի մարիոնետների պետական թատրոնի գեղարվեստական ղեկավարը:

​​2006 թվականին հիմնել է «Թումանյանական հեքիաթի օր» տիկնիկային թատրոնների միջազգային փառատոնը:

​​2010 թվականին արժանացել է ՀՀ մշակույթի նախարարության Ոսկե մեդալի, 2019 թվականին՝ Հայաստանի գրողների միության «Հովհաննես Թումանյան» մեդալի, 2011 թվականին՝ ՀՀ մշակույթի վաստակավոր գործչի պատվավոր կոչման:

Հեղինակել է 37 տիկնիկային հեռուսատաներկայացումներ, 2 ռադիոբեմադրություն, 56 տիկնիկային բեմադրություն, որոնց թվում «Մատնաչափիկը», «Դեկամերոն», «Խելոքն ու հիմարը», «Ամանորի հանդես», «Սատանան ու Բիթլիսցին», «Սագը», «Պույ-պույ մկնիկը», «Սասունցի Դավիթ», «Քեֆ անողի քեֆը չի պակսի», «Լեոնարդո դա Վինչիի առակները և հեքիաթները», «Կամակոր արքայադուստրը», «Զգուշացի՛ր, ականներ են», «Ներիր ինձ Տեր» և այլն։

Արմեն Սաֆարյանը ճանաչված էր նաև իբրև գրական երկերի թարգմանիչ. ռուսերենից հայերեն է թարգմանել «Բեմբի» հեքիաթը, հայերենից անգլերեն՝ Նահապետ Քուչակի «Հայրենները»:

Հայ թատերասեր հանրությունը ակտիվորեն մասնակցել է Արմեն Սաֆարյանի նախաձեռնած «Տիկնիկները հանուն խաղաղության» 2 համաշխարհային երթին, իսկ Հայաստանում և Արցախում կազմակերպված 16 տիկնիկային փառատոները մշտապես վայելել են հանդիսատեսի ջերմ համակրանքն ու արժանացել բարձր գնահատականի:

Մշակութասեր հանրության, նրա արվեստի երկրպագուների և գործընկերների հիշողության մեջ նա կմնա որպես իր գործի նվիրյալ, բարեկիրթ և պարկեշտ, ժպիտ և կենսուրախություն պարգևող, լավատեսություն տարածող մարդ և արվեստագետ:

ՀՀ վարչապետի որոշմամբ ստեղծվել է Արմեն Սաֆարյանի հուղարկավորության կազմակերպման հանձնաժողով:

Արմեն Սաֆարյանի հոգեհանգստյան արարողությունը տեղի կունենա ս.թ. ապրիլի 28-ին՝ ժամը 18։00-20։00-ին, Կոնդի Սբ Հովհաննես եկեղեցում:

Վերջին հրաժեշտը` ս. թ. ապրիլի 29-ին՝ ժամը 11։00-13։00-ն՝ նույն վայրից:
Հուղարկավորությունը տեղի կունենա Երևանի քաղաքային պանթեոնում: