27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Ռուսաստանում Zara-ն դարձել է Maag
Քաղաքականություն
27.04.2023 | 23:44
Ռուսաստանի կառավարությունը հավանություն է տվել իսպանական Zara ապրանքանիշի սեփականատիրոջ ակտիվների վաճառքի գործարքին։ Նոր սեփականատերը գտնվում է ՌԴ-ին «ավելի բարեկամ» երկրի իրավասության ներքո, գրում է Euronews-ը։
Ռուսաստանում նախկին Zara խանութների ցանցը բացվել է Maag անունով։ Իսպանական Inditex խմբի կետերի վաճառքի գործարքը, որին պատկանում են նաև Pull&Bear, Bershka և Massimo Dutti ապրանքանիշերը, հավանության է արժանացել ՌԴ իշխանությունների կողմից։
Առաջին խանութը բացվել է Մոսկվայում՝ Նեգլիննայա փողոցում, առաջիկա օրերին ամբողջ երկրում կհայտնվեն Maag-ի 60-ից ավելի խանութներ։
Երկրի Առևտրի նախարարությունից հայտնել են, որ ակտիվների գնորդը Fashion And More Management-ն է՝ «բարեկամ երկրներից մեկում գրասենյակով»։ Ըստ Financial Times-ի՝ այն հատուկ գործարքի համար գրանցել է Daher Group-ը ԱՄԷ-ից։
Դեռևս ապրիլի սկզբին փոխնախարար Վիկտոր Եվտուխովն ասել էր, որ «նոր պիտակներով հավաքածուներն արդեն կարվել և բերվել են Ռուսաստան»։
Մարտին իսպանական ռիթեյլերի ղեկավարությունը հայտարարել էր, որ չի բացառում ռուսական շուկա վերադարձը Daher Group հոլդինգի ֆրանշիզայի միջոցով, եթե «իրավիճակը փոխվի»։
Տաթև Ֆռանգյան
