12.01.2025 | 15:50
Յուրաքանչյուր դատավոր պետք է գործի բացառապես օրենքի և իր խղճի թելադրանքով. ՀՀ նախագահ․ ՏԵՍԱՆՅՈՒԹ
Հռոմի պապն առաջին անգամ կանանց թույլ կտա քվեարկել եպիսկոպոսների համաշխարհային ժողովում
Քաղաքականություն
27.04.2023 | 22:49
Հռոմի Ֆրանցիսկոս պապը կանանց թույլ կտա առաջին անգամ քվեարկել հոկտեմբերին կայանալիք եպիսկոպոսների համաշխարհային ժողովի ժամանակ։ Այս մասին հայտնում է BBC-ն։
Նշվում է, որ Սինոդում, որը պապական խորհրդակցական մարմինն է, ձայնի իրավունք կունենան հինգ միանձնուհիներ։ Նախկինում կանանց թույլատրվում էր մասնակցել միայն որպես դիտորդ:
Հռոմի պապը նաև հայտարարել է, որ ընտրելու իրավունքը կտարածվի կրոնական համայնքի 70 ընտրված անդամների վրա, ովքեր հոգևորականներ չեն՝ թույլ տալով, որ Սինոդը դադարի լինել միայն եկեղեցական հիերարխիայի հավաքույթ:
Ֆրանցիսկոս պապը հույս ունի, որ նրանց կեսը կանայք կլինեն։ Շեշտը դրվել է նաև երիտասարդներին ներգրավելու վրա։
Տաթև Ֆռանգյան
