26.04.2024 | 12:06
Փաշինյանի և Ալիևի աշխատակազմերի միջև ուղիղ կապը շարունակում է գործել, Տավուշում ականի պայթյունից զինվոր է վիրավորվել․ ԼՈՒՐԵՐ
Բաքուն արձագանքել է Լաչինի միջանցքում ապօրինի անցակետի տեղադրումը դատապարտող Կանադայի ԱԳՆ-ի հայտարարությանը
Քաղաքականություն
26.04.2023 | 18:05
Ֆրանսիայից հետո՝ Բաքուն հիմա էլ արձագանքել է Լաչինի միջանցքում ապօրինի անցակետի տեղադրման հետ կապված Կանադայի ԱԳՆ-ի հայտարարությանը։ Բաքուն այն «անհիմն է» անվանել։
Ադրբեջանի ԱԳՆ-ն նշում է, թե, իբր, «Ադրբեջանի ինքնիշխան տարածքում անցակետի տեղադրումը Բաքվի օրինական իրավունքն է», և այդ որոշումն ընդունվել է «ազգային անվտանգությունն ապահովելու համար»։
«Այս առումով անհիմն են այն պնդումները, թե վերոնշյալ անցակետի տեղադրումն ազդում է խաղաղ գործընթացի և տարածաշրջանում կայունության վրա»,- ասվում է հայտարարության մեջ։
Բաքվին նաև դուր չի եկել, որ Կանադայի ԱԳՆ-ն հաղորդագրության մեջ Արցախն անվանել է «Լեռնային Ղարաբաղ»՝ անընդունելի համարելով այդ անվանման օգտագործումը։
Հավելենք, որ նախօրեին Կանադայի ԱԳ նախարար Մելանի Ժոլին հայտարարությամբ էր հանդես եկել Լաչինի միջանցքում տեղի ունեցած վերջին զարգացումների վերաբերյալ։
Էմմա Չոբանյան
