14.12.2025 | 18:20
Թաիլանդն ու Կամբոջան շարունակում են ռազմական գործողությունները
Չիտայից 10-րդ դասարանցին 3,5 տարվա ազատազրկման է դատապարտվել «Մահ ռեժիմին» գրաֆիտիի համար
Քաղաքականություն
25.04.2024 | 22:28
Ռուսաստանի առաջին շրջանային ռազմական դատարանն արտագնա նիստի ժամանակ Չիտայից 16-ամյա Լյուբով Լիզունովային դատապարտել է 3,5 տարի ժամկետով ազատազրկման՝ գրաֆիտիի համար։ Բացի այդ, դատարանը 19-ամյա Ալեքսանդր Սնեժկովին դատապարտել է 6 տարվա ազատազրկման, իսկ 23-ամյա Վլադիսլավ Վիշնևսկուն՝ 1,5 տարվա հարկադիր աշխատանքի, փոխանցում է Current Time-ը։
Ըստ քննիչների՝ 2022 թվականի հոկտեմբերին երիտասարդները «Մահ ռեժիմին» գրությամբ գրաֆիտի են արել Չիտայում ավտոտնակային կոոպերատիվում, ինչպես նաև մասնակցել են զինկոմիսարիատների հրկիզմանը։ Գործի նյութերում ԱԴԾ-ի աշխատակիցները մեջբերում են Shugan-25 և 75zlo Telegram-ալիքները, որոնք, նրանց կարծիքով, վարել են դատապարտյալները։
Երիտասարդների նկատմամբ քրեական գործ է հարուցվել միանգամից երեք հոդվածով՝ ահաբեկչական գործունեության կոչեր (ՔՕ 205.2 հոդված) և ծայրահեղականություն (ՔՕ 280 հոդված), ինչպես նաև քաղաքական ատելությամբ դրդված վանդալիզմ (ՔՕ 214 հոդվածի 2-րդ մաս):
Դատարանը կարճել է Լիզունովայի վանդալիզմի գործը, քանի որ լրացել է նրան որպես անչափահաս պատասխանատվության ենթարկելու վաղեմության ժամկետը։
