25.06.2026 | 04:04
ԱԱ-2026. Բրազիլիան հաղթեց խոշոր հաշվով, Մարոկկոն ևս փլեյ-օֆֆում է. ՏԵՍԱՆՅՈՒԹ
Հացահատիկային գործարքի երկարաձգումը կասկածի տակ է․ ՌԴ
Քաղաքականություն
26.04.2023 | 22:13
ՄԱԿ-ի ժնևյան բաժանմունքում ՌԴ մշտական ներկայացուցիչ Գենադի Գատիլովը հայտարարել է, որ հացահատիկային գործարքի հետ կապված, որի ժամկետը լրանում է մայիսին, իրական առաջընթաց ձեռք չի բերվել, փոխանցում է BBC-ի ռուսական ծառայությունը։
Գործարքը ենթադրում է ռուսական նավատորմի կողմից արգելափակված Ուկրաինայի սևծովյան նավահանգիսներից ուկրաինական հացահատիկի արտահանում։ Պայմանագիրը կնքվել է մի շարք երկրների միջնորդությամբ, հիմնականում՝ Թուրքիայի։
Ռուսաստանի համար համաձայնագրի երկարաձգման հիմնական պայմանը ռուսական հացահատիկի և պարարտանյութերի արտահանման արևմտյան սահմանափակումների ամբողջական վերացումն է։ Բացի այդ, Մոսկվան պահանջում է ռուսական գյուղատնտեսական բանկը վերադարձնել SWIFT միջազգային վճարային համակարգ։
Գատիլովի խոսքով՝ Ռուսաստանին չի գոհացնում այն դասավորությունը, որով որոշակի բանկային գործառնությունների համար ամեն անգամ պետք է հատուկ թույլտվություններ ստանալ։
Reuters-ի փոխանցմամբ, ըստ ամենայնի, խոսքն այն մասին է, որ, ինչպես հայտնի է դարձել, ամերիկյան JPMorgan Chase & Co բանկը թույլտվություն է ստացել ԱՄՆ իշխանություններից ռուսական «Ագրոպրոմբանկ»-ին վճարումներ կատարելու համար։ Սակայն Ռուսաստանի համար դա չի լուծում այն խնդիրները, որոնց բախվել է՝ կորցնելով միջազգային վճարային համակարգին հասանելիությունը։
Տաթև Ֆռանգյան
