26.02.2026 | 09:45
ՀՀ տարածքում ավտոճանապարհները հիմնականում անցանելի են
Պերուում հայտնաբերվել է հազար տարվա վաղեմության` զոհաբերված պատանու մումիա
Քաղաքականություն
26.04.2023 | 22:45
Պերուացի հնագետները Լիմայի արվարձանում հայտնաբերել են 1000 տարուց ավելի հին մումիա։ Այս մասին հայտնում է Reuters-ը։
Գիտնականների խոսքով՝ գտածոն, ամենայն հավանականությամբ, պատանու մումիա է և հայտնաբերվել է ստորգետնյա դամբարանում, փաթաթված հուղարկավորության սավանով, կերամիկայի ու պարանի հետ միասին, որ վրա մաշկի ու մազերի կտորներ են մնացել։
Մումիան հայտնաբերվել է այստեղ առաջին անգամ հայտնաբերված մումիայի վայրից մոտ 200 մետր հեռավորության վրա։
Այս հնէաբանական օբյեկտում հայտնաբերվել են նաև 8 երեխաների ու 12 մեծահասակների մնացորդներ, որոնք, ամենայն հավանականությամբ, զոհաբերվել են 800-1200 տարի առաջ։
Փորձագետների կարծիքով՝ պեղումների վայրում կան չորս բուրգերի և այլ կառույցների ավերակներ, օրինակ՝ լաբիրինթոսի տեսքով շարված պատեր։ Թերևս այս տարածքը բնակեցված է եղել ափամերձ և լեռնային շրջանների բնակիչներով։
Տաթև Ֆռանգյան
