16.01.2026 | 17:45
Հրատապ մեկ անձից գնումները 2025-ին ավելացել են
ՌԴ ՊՆ-ն ավարտել է բելառուս զինվորականների վերապատրաստումը՝ «Իսկանդեր-Մ» համալիրների կիրառման համար
Քաղաքականություն
26.04.2023 | 22:33
Բելառուսի զինված ուժերի առանձին հրթիռային ստորաբաժանման անձնակազմերը, որոնք հագեցած են «Իսկանդեր-Մ» հրթիռային համակարգով, ուսումնասիրել են մարտավարական հատուկ զինամթերքի կիրառումը: Կոմերսանտի փոխանցմամբ՝ այս մասին հայտնել են ՌԴ ՊՆ-ից։
Բելառուսի զինվորականների վերապատրաստումն անցկացվում է ապրիլի 3-ից Հարավային ռազմական օկրուգի զորավարժարանում։
Տեղեկացվում է, որ Բելառուսի հրթիռավորների վարժանքների ընթացքում հատուկ ուշադրություն է դարձվել «Իսկանդեր-Մ»-ի օգտագործմանը պատրաստելուն և դրա տեղակայման ժամանակ գործնական հմտությունների կատարելագործմանը:
Նշվում է, որ իրականացվել են հրթիռների ուսումնական և մարտական արձակումներ։ Անձնակազմն ուսումնասիրել է նաև «Իսկանդեր-Մ»-ի համար նախատեսված հատուկ զինամթերքի պարունակությունն ու կիրառումը։
Ռուսաստանի նախագահ Վլադիմիր Պուտինը «Իսկանդեր-Մ» համալիրները Բելառուսին փոխանցելու որոշման մասին հայտարարել էր 2022 թվականի հունիսին։ Այն, որ հրթիռային համակարգերը մատակարարվել են Բելառուսին, 2023 թվականի ապրիլի 4-ին հայտարարել է ՌԴ պաշտպանության նախարար Սերգեյ Շոյգուն։
Տաթև Ֆռանգյան
