14.10.2026 | 16:28
Թուրքիայի ԱԳ նախարարը Բաքու կայցելի․ հայտնի է՝ ինչ հարցեր է բարձրացնելու
Համայնքների ծախսային կարիքները հաշվառելու ուղղությամբ Հայաստանում կներդրվի եվրոպական առաջադեմ փորձը
Տնտեսություն
27.06.2018 | 18:41
ՀՀ տարածքային կառավարման և զարգացման նախարարության ու Եվրոպայի խորհրդի գրասենյակի «Աջակցություն Հայաստանում տեղական ժողովրդավարության զարգացմանը» ծրագրի հրավերով ս.թ. հունիսի 25-27-ը Հայաստանում էր Իտալիայի Էկոնոմիկայի և ֆինանսների նախարարության ու Իտալիայի բանկին կից SOSE ինստիտուտի միջազգային փորձագիտական պատվիրակությունը: Այցի նպատակն էր ծանոթանալ Հայաստանում ֆինանսական համահարթեցման խնդիրներին և առաջարկություններ ներկայացնել համակարգի բարելավման ուղղությամբ. տեղեկացնում է ՀՀ տարածքային կառավարման և զարգացման նախարարության լրատվական ծառայությունըւ:
Հունիսի 25-ին փորձագետները այցելել են ՀՀ տարածքային կառավարման և զարգացման նախարարություն և հանդիպել նախարարի առաջին տեղական Վաչե Տերտերյանի, նախարարի տեղակալ Դավիթ Գևորգյանի, նախարարության համապատասխան ստորաբաժանումների ղեկավարների հետ: Աշխատանքային հանդիպումներ են տեղի ունեցել նաև Համայնքների ֆինանսիստների միավորման նախագահ, ԵԽ փորձագետ Վահան Մովսիսյանի, Հայաստանի համայնքների ասոցիացիայի նախագահ Էմին Երիցյանի հետ:
Հունիսի 26-ին փորձագետները 52 խոշորացված համայնքների ֆինանսական գծով մասնագետներին ներկայացրել են ֆինանսական համահարթեցման և համայնքների ծախսային կարիքների գնահատման իտալական փորձը: Համայնքների ներկայացուցիչներն ակտիվ մասնակցություն են ցուցաբերել աշխատանքային քննարկումներին և համոզմունք հայտնել, որ համայնքների ծախսային կարիքները հաշվառելու ուղղությամբ Հայաստանում կներդրվի եվրոպական առաջադեմ փորձը:
