14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Սոթքի հանքի աշխատանքն անորոշ ժամանակով դադարեցվել է
Հասարակություն
25.04.2023 | 21:44
Սոթքի ոսկու հանքի աշխատակիցներն այսօր հանդիպել են Գեղարքունիքի մարզպետ Կարեն Սարգսյանին։ Աշխատակիցներից մեկն անանուն մնալու պայմանով Factor.am-ին հայտնեց, որ այս փուլում հանքի աշխատանքը դադարեցնելու որոշում է կայացվել։
Բանն այն է, որ ադրբեջանական կողմն ամեն օր կրակում է Սոթքի հանքի ուղղությամբ, և արդեն ավելի քան 10 օր է՝ հանքավայրի աշխատանքը դադարեցված է։
Աշխատակիցները փորձել են վերսկսել աշխատանքը, սակայն ադրբեջանական կրակահերթերը խոչընդոտել են։
Գեղարքունիքի մարզպետ Կարեն Սարգսյանն իր հերթին News.am-ի հետ զրույցում ասել է, որ երբ անվտանգային խնդիրը լուծվի, հանքը կշահագործվի։
Արփի Հակոբյան
