22.01.2026 | 12:25
Ամուսին ուսուցիչները փորձել են մեկը մյուսի փոխարեն ատեստավորման թեստը լրացնել, բացահայտվել է. նախարար․ ՏԵՍԱՆՅՈՒԹ
Իրաքի վարչապետը քուրդ զինյալներին կոչ է արել զենքերը վայր դնել
Քաղաքականություն
27.06.2018 | 18:57
Իրաքի վարչապետ Հայդար Իբադին կոչ է արել «Քուրդիստանի բանվորական կուսակցության» (ՔԲԿ-PKK) զինյալներին զենքը վայր դնել և չխաթարել իրենց երկրի անվտանգությունը. փոխանցում է ermenihaber-ը:
Ի դեպ, Իրաքում է գտնվում քուրդ զինյալների գլխավոր ռազմաբազան՝Քանդիլը, որտեղ այժմ Թուրքիայի զինված ուժերը ռազմական գործողություններ են իրականացնում։
«Կառավարության նիստի ժամանակ մանրամասն քննարկել ենք թուրք-իրաքյան, իրաք-սիրիական սահմանններին տիրող իրավիճակը։ Գիտենք, որ Քանդիլում թեժ իրավիճակ է։ Այնտեղ իրականում բնականոն կյանք համարյա թե չկա։ Ոչ մի ուժ իրավունք չունի օգտագործել մեր տարածքը Թուրքիային հարվածելու համար։ Մենք ցանկանում ենք, որ զինված խմբերը (խմբ-PKK) վայր դնեն իրենց զենքերը»,-ասել է Իբադին։
Հիշեցնենք, որ «Քուրդիստանի բանվորական կուսակցությունը» հիմնադրվել է 1978թ. նոյեմբերի 27-ին Թուրքիայի Դիարբեքիր նահանգում: Կուսակցության հիմնադիրն Աբդուլլահ Օջալանն է: Նա այժմ ցմահ ազատազրկված է Թուրքիայի Իմրալը կղզու բանտում։ PKK-ն Թուրքիայում պաշտոնապես համարվում է ահաբեկչական կազմակերպություն:
