25.07.2026 | 19:46
Համբուրգ․ Էլինա Ավանեսյանը պարտվեց կիսաեզրափակիչում. ՏԵՍԱՆՅՈՒԹ
Վաշինգտոնը դեսպանից ցածր աստիճան ունեցող դիվանագետի կուղարկի ՄԱԿ-ի ԱԽ՝ ՌԴ նախագահության ժամանակաշրջանում
Քաղաքականություն
24.04.2023 | 22:54
ԱՄՆ-ը Ռուսաստանի նախագահության օրոք նվազեցրել է ՄԱԿ-ի Անվտանգության խորհրդում իր ներկայացուցչության մակարդակը։ Այս մասին հայտնում է Politico-ն։
Վաշինգտոնը փոխել է իր ներկայացվածության ռազմավարությունը ՄԱԿ-ի Անվտանգության խորհրդում, երբ ռոտացիոն հիմունքով կառույցի ղեկավարումը ստանձնել է Մոսկվան։ Այժմ ԱՄՆ-ը հանդիպման կուղարկի ավելի ցածրաստիճան դիվանագետների, քան դեսպանն է։
«Խենթություն է, որ Ռուսաստանն Անվտանգության խորհրդի մշտական անդամ է այն բանից հետո, երբ կոպտորեն խախտել է ՄԱԿ-ի կանոնադրությունը: Սա իսկապես այն բանի բազմաթիվ դրսևորումներից մեկն է, որ Անվտանգության խորհուրդը և ամբողջ ՄԱԿ-ը բարեփոխման կարիք ունեն»,- ասել է ՄԱԿ-ում ԱՄՆ դեսպան Լինդա Թոմաս-Գրինֆիլդը։
Նշենք, որ ՄԱԿ-ի Անվտանգության խորհրդում նախագահությունը անդամների շրջանում փոխվում է ամեն ամիս՝ հերթափոխով։ Հաջորդ ամիս՝ մայիսին, ԱԽ-ում նախագահությունը կստանձնի Շվեյցարիան, իսկ հունիսին՝ Արաբական Միացյալ Էմիրությունները։
Տաթև Ֆռանգյան
