11.08.2026 | 22:39
Ճապոնիայի Իբարակի նահանգում մոլեգնում է թայֆունը
ՀՀ ոստիկանության պետին կից հասարակական խորհուրդ կստեղծվի. հայտարարություն
Հասարակություն
27.06.2018 | 13:57
Հունիսի 18-ին ոստիկանությունն իր պաշտոնական կայքէջում տարածել է հայտարարություն ՀՀ ոստիկանության պետին կից հասարակական խորհուրդ ստեղծելու մասին: Տեղեկացնում ենք, որ առայսօր Խորհրդում ընդգրկվելու վերաբերյալ ստացվել է թվով 28 հայտ, որից 14-ը` հասարակական կազմակերպություններից, և 14-ը` քաղաքացիներից:
Ինչպես հայտնում են ոստիկանությունից, վերստին հիշեցնում ենք, որ Խորհրդի կազմում կարող են ընդգրկվել հասարակական կազմակերպությունների /միավորումների/ ներկայացուցիչներ, իրավապահ գործունեության ոլորտում առնվազն հինգ տարվա աշխատանքային փորձ ունեցող անձինք, իրավապաշտպաններ, մշակութային և հասարակական այլ գործիչներ, որոնց մասնակցությունը Խորհրդի աշխատանքներին կարող է նպաստել Խորհրդի գործառույթների արդյունավետ իրականացմանը:
“Եվս մեկ անգամ արձանագրելով, որ դիմումների ընդունման վերջնաժամկետ է սահմանված ս/թ հունիսի 29-ը ներառյալ` հիշեցնում ենք, որ դրանք Խորհրդի նախագահին կարող են ներկայացվել [email protected] էլ. փոստի հասցեով: Հարցերի դեպքում խնդրվում է կապ հաստատել (010) 596-310 հեռախոսահամարով”, – ասված է հաղորդագրությունում:
