15.10.2026 | 15:50
Ուկրաինայի ՊՆ-ն հայտնել է Starlink համակարգերի աշխատանքի լիովին վերականգնման մասին
«Հայփոստի» առաքանու հանձնումն ուշացնելու վերաբերյալ «թեժ գծով» ահազանգ է ստացվել նախարարություն
04.07.2017 | 17:48
ՀՀ տրանսպորտի, կապի և տեղեկատվական տեխնոլոգիաների նախարարությունում գործող «թեժ գծի» և տեղեկատու հեռախոսահամարներով 2017թ. հունիսին ստացվել է շուրջ 100 հեռախոսազանգ. տեղեկացնում է ՀՀ տրանսպորտի, կապի և տեղեկատվական տեխնոլոգիաների նախարարության լրատվական ծառայությունը:
«Հայփոստ» ՓԲԸ-ի կողմից փոստային առաքանու հանձնումն ուշացնելու վերաբերյալ «թեժ գծով» ստացված ահազանգի հետքերով համապատասխան հարցում է ուղարկվել վերոնշյալ ընկերությանը՝ անհրաժեշտ պարզաբանումներ ներկայացնելու համար: Այդ մասին տեղյակ է պահվել նաև քաղաքացուն: Նախարարությունը հետևողական է լինելու բարձրացված խնդրի ամբողջական լուծմանը:
«Թեժ գծով» ստացված մյուս ահազանգը եղել է սոցիալական ծառայության կողմից տրամադրված թվային ընդունիչի անսարքության վերաբերյալ: «ՀՀՌՑ» ՓԲԸ-ի մասնագետները օպերատիվ արձագանքել են ահազանգին, շտկել քաղաքացու տնային ընդունիչ ալեհավաքը և կարգավորել ալիքների ընդունումը:
Հեռուստատեսային թվային ընդունիչ սարքերի համալրման և հեռուստաալիքների ընդունման որակի բարելավման վերաբերյալ «Հայաստանի հեռուստատեսային և ռադիոհաղորդիչ ցանց» ՓԲԸ տեղեկատու հեռախոսահամարներով ստացվել է 20 հեռախոսազանգ: Բոլոր դեպքերում տրվել են պատշաճ պարզաբանումներ և անհրաժեշտ խորհրդատվություն:
Նույն ժամանակահատվածում «Հայաստանի ավտոմոբիլային ճանապարհների տնօրինություն» ՊՈԱԿ-ի տեղեկատու հեռախոսահամարով միջպետական և հանրապետական նշանակության ավտոճանապարհների վիճակի վերաբերյալ տեղեկատվություն է տրամադրվել շուրջ 77 քաղաքացու:
ՀՀ տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ ավտոճանապարհների վիճակի վերաբերյալ ամբողջական և օպերատիվ տեղեկատվություն քաղաքացիները կարող են ստանալ նախարարությունում գործող (010) 56-25-33 տեղեկատու հեռախոսահամարով:
