14.10.2026 | 12:56
ՌԴ-ն զանգվածային հարված է հասցրել Կիևին․ 3 մարդ զոհվել է, քաղաքի մի մասը մնացել է առանց էլեկտրականության
100 դրամը ուղևորից, մնացածը՝ Կառավարությունից․ Փոխադրողների միության նախագահը նոր կարգավորում է առաջարկում․ ՏԵՍԱՆՅՈՒԹ
27.06.2018 | 13:16
Երևանի քաղաքապետարանը տարիներ շարունակ փորձում է կարգավորել ներքաղաքային տրանսպորտի հարցը, իսկ առանձին փոխադրողներ իրենց խնդիրներով դիմեցին քաղաքապետարանին՝ խնդրելով երթուղային ցանցի կարգավորման ժամանակ հաշվի առնել ներքաղաքային փոխադրողների խնդիրները, որոնք այդպես էլ մնացին անլուծելի։
Այս մասին այսօր հրավիրված մամուլի ասուլիսի ժամանակ ասաց ՀՀ փոխադրողների միության նախագահ Հրանտ Եղիազարյանը:
«Քաղաքապետարանը որևէ գործողություն չկատարեց, սակայն, հիմա հասել է ժամանակը, որ պետք է լուրջ քայլեր կատարեն, քանի որ առջևում սեպտեմբերի մեկն է, երբ շատ մեծ խնդիր կդառնա, երբ երթևեկեն ուսանողները և աշակերտները»,-ասաց նա՝ նշելով, որ գծատերերը իրենց հասույթից հանելով պարտադիր վճարները չեն կարողանում մնացած գումարով անգամ ավտոմեքենաները նորոգելու ծախսերը հոգալ։
Խոսելով խնդրի լուծման տարբերակների մասին՝ Հրանտ Եղիազարյանը նշեց, որ առաջարկում են, որ Կառավարությունը դոտացիա տա․ «Ուղևորը նորից կվճարի 100 դրամ, մնացածն իշխանությունները կլրացնեն, լրավճար կտան»,-ասաց Փոխադրողների միության նախագահը։
Մանրամասները՝ տեսանյութում։
