16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Թշնամուն կզսպի ՀՀ-ի մարտունակ բանակը․ ԱՄՆ-ի զսպիչ դերը հավերժ չէ, վաղը քաո՛ս կարող է լինել. Գուրգեն Սիմոնյան․ ՏԵՍԱՆՅՈՒԹ
Քաղաքականություն
21.04.2023 | 20:30
ԱՄՆ Պետդեպի փոխխոսնակը հայտարարել է, թե Հայաստանի և Ադրբեջանի միջև ռազմական գործողությունների դադարեցման ապահովումը, մասնավորապես՝ Լեռնային Ղարաբաղի տարածաշրջանում, շարունակում է մեծ նշանակություն ունենալ ԱՄՆ պետքարտուղարի համար․ «Դա մի բան է, որով մենք շարունակում ենք խորապես ներգրավված լինել: Դա մի բան է, որով պարոն Բոնոն շարունակում է զբաղվել»։
Հարցին, թե ե՞րբ կարելի է ակնկալել Հայաստանի և Ադրբեջանի ԱԳ նախարարների հանդիպում, Պատելն արձագանքել է, թե չի ցանկանում ժամանակացույցից առաջ անցնել. «Բայց վստահ եմ, որ շուտով կիսվելու ավելի շատ բան կունենանք»: Արդյունք սպասե՞լ ԱՄՆ-ի ձևաչափում ընթացող այս գործընթացից՝ պայմանագրի տեսքով։ Քաղաքագետ Գուրգեն Սիմոնյանը Factor TV-ի հարցազրույցում հավանական է համարում դրական արդյունք ստանալը այս բանակցություններում, սակայն պնդում է, որ պետք է Ադրբեջանի վրա այնպիսի ուժ գործադրվի, որպեսզի հրաժարվի միակողմանի պահանջներից, և գնա հավասարակշռված խաղաղության. «Միայն Հայաստանի մարտունակ բանակը խաղաղությունը հարատև կդարձնի։ ԱՄՆ-ի զսպիչ դերը հավերժ չէ, աշխարհում վաղը քաոս կարող է լինել։ Ադրբեջանը ագրեսիան շարունակելու ծրագիր ունի՝ իմիտացիոն շփումներ են սրանք։ Ադրբեջանը առանց նախապայմանների խաղաղության պիտի գնա, եթե անկեղծ է։ ՀՀ-ն վտանգավո՛ր պիտի դառնա՝ սպանելու օրակարգ սպասարկելու ունակ։ Ադրբեջանը պիտի հասկանա՝ ցավոտ է լինելու պատերազմը», – ասում է Գուրգեն Սիմոնյանը։
Հարցազրույցն ամբողջությամբ՝ տեսանյութում։
Ռոբերտ Անանյան
