Քաղաքականություն
21.04.2023 | 21:30Ժողովրդավարության, սուվերենության, մարդու իրավունքների, անվտանգության բազմաթիվ պրոբլեմներ ունեցող Հայաստանի ԱԺ-ում կրկին աղմուկ-աղաղակ է։ Թագուհի Թովմասյանը ԱԺ ամբիոնի մոտ հայտարարել էր, թե բողոքի ակցիա է անում և չի լքելու ամբոինը և կոչ էր արել ընդդիմադիրներին միանալ իր ակցիային։ Նրան միացան մի խումբ ընդդիմադիրներ։ Ալեն Սիմոնյանն անվտանգության աշխատակիցներին դիմեց՝ ամբիոնից հեռացնելու պատգամավորներին, ԱԺ-ի աշխատանքը վերականգնելու։ Սկսվեց քաշքշուկ։ Դահլիճից պատգամավորներին ուժով դուրս բերեցին։ ԱԺ նախագահը կրկին հիշեցրեց թքելու իր կարողության մասին։ Նիկոլ Փաշինյանը հեռացավ ԱԺ-ից։
Factor TV-ին տված հարցազրույցում Հելսինկյան ասոցացիայի նախագահ, իրավապաշտպան Նինա Կարապետյանցն ասում է, որ անբարոյական է ԱԺ-ում կատարվածը․ «Հայաստանը դժվարին վիճակում է՝ սպառնում են ականջ կտրելով, թքելով, հարվածում են․ չե՞ք հասկանում՝ ՀՀ-ն ինչ վիճակում է։ ՔՊ-ն գնում է հանցավոր նախկին ռեժիմի ուղով՝ պատժում են ընդդիմախոսներին, խնայում՝ յուրայիններին»,- ասաց իրավապաշտպանը։
Հարցազրույցն ամբողջությամբ՝ տեսանյութում։
Ռոբերտ Անանյան
