14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Մեծ Բրիտանիայի փոխվարչապետը հրաժարական է տվել բուլինգի մեջ մեղադրանքների պատճառով
Քաղաքականություն
21.04.2023 | 22:02
Մեծ Բրիտանիայի փոխվարչապետ և արդարադատության նախարար Դոմինիկ Ռաաբը այսօր հայտարարել է իր հրաժարականի մասին այն բանից հետո, երբ անկախ հետաքննությունը իրավաչափ է համարել նրա դեմ բուլիինգի երկու մեղադրանքները, գրում է DW-ի ռուսական ծառայությունը։
«Ես գրում եմ՝ հայտարարելու իմ հրաժարականի մասին՝ փաստաբան Ադամ Թոլլիի հետաքննության հիման վրա զեկույց ստանալուց հետո: Ես կոչ էի արել հետաքննություն իրականացնել ու պարտավորվել հրաժարական տալ, եթե փաստեր հայտնաբերվեն իմ կողմից բուլինգի որևէ գործողության մասով։ Ես գտնում եմ, որ կարևոր է խոսքի տերը լինելը»,- ասվում է Ռաաբի նամակում ուղղված վարչապետ Ռիշի Սունակին, որը հրապարակել է թվիթերյան իր էջում։
Ռաաբն ընդգծել է, որ իրեն առաջադրված ութ մեղադրանքներից հետաքննությունը միայն երկուսն է օրինական համարել։
Նրա նկատմամբ «բուլինգի» առաջին մեղադրանքները հայտնվել էին դեռ 2022 թվականի նոյեմբերին։ Ռաաբի նախկին աշխատակիցներից մեկն ասել էր, որ նախարարը ստեղծել է «վախի մթնոլորտ»: Ռաաբը հերքել էր մեղադրանքները և հետաքննություն սկսել։ Ըստ բրիտանական լրատվամիջոցների՝ նրա դեմ ստացվել է ընդհանուր առմամբ ութ բողոք, որոնք վերաբերում են առնվազն 24 մարդու։
Էմմա Չոբանյան
