27.06.2026 | 09:03
ԱԱ-2026. Բելգիան ու Եգիպտոսը նվաճեցին փլեյ-օֆֆի ուղեգիր. ՏԵՍԱՆՅՈՒԹ
Իսրայելն Ադրբեջանին երկու արբանյակ է մատակարարելու
Քաղաքականություն
21.04.2023 | 17:55
Առաջիկայում Իսրայելի պաշտպանական արդյունաբերության ձեռնարկություններից մեկը Ադրբեջանի երկու արբանյակ է մատակարարելու 120 մլն դոլար արժողությամբ։ Այս մասին գրում են ադրբեջանական լրատվամիջոցները՝ վկայակոչելով իսրայելցի լրագրողին, որը ապրիլի 18-19-ին ուղեկցել է Իսրայելի արտգործնախարար Քոենին Ադրբեջան կատարած այցի ժամանակ և դրա արդյունքների վերաբերյալ նյութեր հրապարակել՝ հղում անելով նախարարի գրասենյակին և իսրայելական ուժային մարմինների աղբյուրին։ Գործարքից այլ մանրամասներ չեն հաղորդվում։
Հիշեցնենք, որ Իսրայելի ԱԳ նախարար Էլի Քոենը իսրայելական մեծ պատվիրակությամբ Բաքվում հանդիպումներ էր անցկացրել։ Քոենը հանդիպել էր Ադրբեջանի մի շարք պաշտոնյաների, այդ թվում՝ նախագահ Իլհամ Ալիևին։ Երկու երկրների միջև համագործակցության մի շարք պայմանագրեր էին կնքվել տարբեր ոլորտներին առնչվող։
Էմմա Չոբանյան
