19.03.2026 | 16:47
«Ձեռով-ոտով միք խոսա»․ թեժ քննարկում՝ ԱԺ հանձնաժողովի նիստում․ ՏԵՍԱՆՅՈՒԹ
«Ինչպես ասում էր դասականը՝ տենց հող կա՞, որ վեչնի մնում ա». Ռուբինյանը մեջբերեց Շարմազանովին․ ՏԵՍԱՆՅՈՒԹ
Քաղաքականություն
21.04.2023 | 15:42
Երբ իշխանության էիք, ինչո՞ւ չէիք ճանաչում Արցախի Հանրապետության անկախությունը: ԱԺ արտահերթ նիստում դիմելով ընդդիմությանը՝ այս հարցադրումն արեց ԱԺ փոխնախագահ Ռուբեն Ռուբինյանը։
Անդրադառնալով «Հայաստան» խմբակցության պատգամավոր Գեղամ Մանուկյանի դիտարկմանը, թե խորհրդարանական մեծամասնությունը չի ասում Արցախի Հանրապետություն՝ Ռուբինյանն ասաց. «Ուզում եմ հասկանալ՝ երբ դուք իշխանության էիք, ինչո՞ւ չեք ճանաչել Արցախի Հանրապետությունը»:
Պատասխանելով «Հայաստան» խմբակցությունից Արթուր Խաչատրյանի հայտարարությանը, որ ինքնորոշման իրավունքը չի կարող սահմանափակվել՝ ԱԺ փոխնախագահն առաջարկեց ժամանակագրորեն հետ գնալ:
«1991 թվականին ԼՂ-ում տեղի է ունենում հանրաքվե: Հանրաքվեի արդյունքում ԼՂ ժողովուրդը կողմ է քվեարկում, որ ԼՂ-ն հռչակվի անկախ հանրապետություն: Կարո՞ղ ենք դա համարել ինքնորոշման ակտ. այո: Հարց՝ ինչո՞ւ Հայաստանը չի ճանաչել ԼՂ ինքնորոշման ակտը: Փաստացի մինչև օրս որևէ իշխանության օրոք ՀՀ-ն չի ճանաչել ԼՂ-ն որպես անկախ հանրապետություն: Խնդիրն այն է, որ մենք մեր իսկ տերմինաբանության մեջ շիլաշփոթ ենք սարքել: Օրինակ՝ մարդը կարող է գալ ու այս ամբիոնի մոտ ասել՝ Արցախի Հանրապետություն, բայց իրեն ներկայացրած ուժի մտքով չի անցել կամ գուցե անցել է, բայց, համենայնդեպես, չի արել, ներկայացրել նախագիծ ԼՂ անկախությունը ճանաչելու մասին», – ասաց Ռուբինյանը:
ԱԺ փոխնախագահի դիտարկմամբ՝ Մադրիդյան սկզբունքներն ընդունելով՝ Հայաստանն ասել է, որ Ղարաբաղի ինքնորոշման իրավունքը սահմանափակված է Ադրբեջանի ցանկությամբ: «Հայաստանը՝ ի դեմս իր այն ժամանակվա կառավարության, փաստացի համաձայնել է Ղարաբաղի ժողովրդի ինքնորոշման սահմանափակմանը, որովհետև ասել է՝ դու կարող ես ինքնորոշվել, բայց նախ էն 91-ինը՝ հեչ, ու մի հատ էլ պիտի ինքնորոշման ակտ անես, բայց դա սահմանափակված է Ադրբեջանի ցանկությամբ: Սա է գլխավոր միտքը մեր այս բանավեճի»:
«Ու երբ դուք ասում եք՝ այ դավաճան ՔՊ, դուք ինչո՞ւ հետամուտ չեք լինում ԼՂ ինքնորոշման իրավունքին, սիրելի Դաշնակցություն, երբ դուք խորհրդարանական կոալիցիայի մեջ եք եղել, ինչո՞ւ հետամուտ չեք եղել և չեք ճանաչել ԼՂ Հանրապետության անկախությունը»,- ասաց Ռուբինյանը։
«Տենց հող կա՞, որ վեչնի մնում ա»,-Ռուբինյանը մեջբերեց Շարմազանովի այս արտահայտությունը։
Մանրամասները՝ տեսանյութում։
