13.01.2025 | 23:21
Հասմիկ Տոլմաջյանը նշանակվել է Շվեյցարիայում ՀՀ դեսպան
Մեծ Բրիտանիայի փոխվարչապետը հրաժարական է տվել բուլինգի մեջ մեղադրանքների պատճառով
Քաղաքականություն
21.04.2023 | 17:10
Մեծ Բրիտանիայի փոխվարչապետ և արդարադատության նախարար Դոմինիկ Ռաաբը հրաժարական է տվել բուլիինգի մեջ մեղադրանքների պատճառով, գրում է BBC-ի ռուսական ծառայությունը։ Ռաաբը հրաժարական է տվել փոխվարչապետի և արդարադատության նախարարի պաշտոնից այն բանից հետո, երբ անկախ հետաքննությունը վճռել է բուլինգի մեջ մեղադրանքներ հնչեցրած քաղծառայողների երկու մեղադրանքները իրավահավասար համարել։ Մեղադրանքները հետաքննել է հայտնի փաստաբան Ադամ Տոլլին։ Ընդհանուր առմամբ ստացվել է ութ բողոք, որոնք վերաբերում են առնվազն 24 մարդու:
Ինչպես հաճախ է արվում նման դեպքերում, Ռաաբը Twitter-ում հրապարակել է վարչապետ Ռիշի Սունակին ուղղված իր հրաժարականի նամակը։ Նա ուշադրություն է հրավիրել հենց այն փաստի վրա, որ Տոլլին իր դեմ ուղղված բոլոր մեղադրանքներից միայն երկուսն է համարել օրինաչափ։
Նախարարն իրեն պարտավորված է զգացել հրաժարական տալ, սակայն նշել է. «Ես նաև կարծում եմ, որ (հետաքննության) երկու բացասական եզրակացությունները թերի են և վտանգավոր նախադեպ են կառավարության պատշաճ վարքագծի համար»։
«Նախարարները պետք է հնարավորություն ունենան քննադատաբար արձագանքել կադրային պաշտոնյաների աշխատանքին», – գրել է Ռաաբը:
Քաղաքական գործչի կարծիքով՝ ապագայում դժգոհ պաշտոնյաները կարող են ազատվել իրենց չսիրած նախարարներից՝ բուլիինգի մասին քիչ հիմնավորված բողոքների միջոցով։
Մեծ Բրիտանիայի և շատ այլ ժողովրդավարական երկրների նախարարները քաղաքական նշանակվածներ են, որոնք կոչված են ղեկավարելու գերատեսչությունների գործունեությունը` ելնելով իրենց կուսակցության առաջնահերթություններից:
