16.01.2026 | 16:25
Իսրայելական բանակի ուղղաթիռը վթարի է ենթարկվել. ՏԵՍԱՆՅՈՒԹ
Վրացական բանկը զգուշացնում է ռուսներին հաշիվների հնարավոր փակման մասին
Քաղաքականություն
21.04.2023 | 16:27
Վրացական TBC բանկը զգուշացրել է հաճախորդներին, որ կարող է փակել նրանց հաշիվները, եթե հայտնաբերվեն գործարքներ, որոնք խախտում են Ռուսաստանի դեմ պատժամիջոցները։ Արգելափակումը կիրականացվի առանց նախազգուշացման, հայտնել են բանկի մամուլի ծառայությունից, գրում է Korrespondent-ը։
Ֆինանսական հաստատությունը հիշեցրել է, որ Ռուսաստանի դեմ ԱՄՆ-ի, Մեծ Բրիտանիայի և ԵՄ-ի պատժամիջոցները ներառում են, ի թիվս այլ բաների, ակտիվների սառեցում, արգելափակում, ֆինանսական ռեսուրսների հասանելիության սահմանափակում, ԱՄՆ-ից, Մեծ Բրիտանիայից և ԵՄ-ից դեպի Ռուսաստան արտահանման ուղղակի և անուղղակի արգելքները և հակառակը։
«Խնդրում ենք նկատի ունենալ, որ եթե բանկը հայտնաբերում է պատժամիջոցների խախտմամբ գործարք, ապա իրեն իրավունք է վերապահում փակել հաճախորդի հաշիվները առանց նախնական ծանուցման», – ընդգծել են TBC բանկում։
Ինչպես հաղորդվում է, Ուկրաինայի դեմ Ռուսաստանի Դաշնության լայնամասշտաբ պատերազմի սկզբից և մինչև 2022 թվականի վերջը ռուսները Վրաստանում բացել են գրեթե 110 հազար բանկային հաշիվ։
Հիշեցնենք, որ ավելի վաղ Կիպրոսի խոշորագույն Bank of Cyprus բանկը սկսել էր հաղորդագրություններ ուղարկել ռուս հաճախորդներին իրենց հաշիվների փակման մասին:
