15.08.2026 | 17:16
Ուկրաինայի ԶՈւ-ն Ռուսաստանի դեմ հարվածների ժամանակ կիրառել է «Ֆլամինգո» հրթիռներ. Զելենսկի
Հայ լուսանկարիչ Անուշ Բաբաջանյանը World Press Photo 2023-ի հաղթողների շարքում է
Քաղաքականություն
21.04.2023 | 14:04
Լուսանկարիչ Անուշ Բաբաջանյանը World Press Photo 2023 թ-ի մրցույցի հաղթողների շարքում է։ Մասնավորապես, նա հաղթել է «Երկարաժամկետ նախագիծ անվանակարգում» Կենտրոնական Ասիայում ջրի սակավության վերաբերյալ «Battered waters» լուսանկարների նախագծի համար։
Անարդյունավետ ոռոգման և մելիորացիայի տեխնոլոգիաների, ջրամատակարարման հնացած ենթակառուցվածքների, ջրային ռեսուրսների անհավասար բաշխման պատճառով այս կամ այն չափով տուժում են Ուզբեկստանը, Ղրղզստանը և Ղազախստանը։ Բաբաջանյանը ցույց է տալիս, թե ինչպես է ջրի սակավությունն ազդում այս երկրների բնակիչների կյանքի վրա։
Անուշ Բաբաջանյանի աշխատանքները կենտրոնացած են սոցիալական և անձնական պատմությունների վրա։ Նա ավելի քան վեց տարի լուսանկարել է Լեռնային Ղարաբաղում՝ լուսանկարները հավաքելով իր «Անհանգիստ տուն» գրքում:
World Press Photo-ի տարվա լուսանկար է ճանաչվել Մարիուպոլից Associated Press գործակալության լուսանկարիչ Եվգենի Մալոլետկայի նկարը, որն արվել էր ռուսական ավիահարվածից ավերված ծննդատան տարածքում ՝պատկերելով փրկարարներին և հղի կնոջը։
Էմմա Չոբանյան
