13.01.2025 | 23:21
Հասմիկ Տոլմաջյանը նշանակվել է Շվեյցարիայում ՀՀ դեսպան
Սուդանում մարտերը շարունակվում են․ ԱՄՆ-ն իր զինվորականներին ուղարկում է Արևելյան Աֆրիկա
Քաղաքականություն
21.04.2023 | 16:50
Արդեն 7-րդ օրն է՝ Սուդանում շարունակվում են ռազմական գործողությունները գեներալ ալ-Բուրհանի բանակի ու գեներալ Դագալոյի ռազմականացված խմբավորման միջև Խարթումում ու Դարֆուր արևմտյան շրջանում, փոխանցում է Euronews-ը։
ՄԱԿ-ն արդեն հաշվարկել է 330 զոհ ու 3200 վիրավոր, 10-ից 20 հազար մարդ ստիպված է եղել ապաստանել հարևան Չադում։
Կարմիր խաչի ներկայացուցչի խոսքով՝ մայրաքաղաքի բնակիչները չեն կարողանում լքել իրենց տները, շատերի սնունդը վերջացել է։ Հիվանդանոցներում չկա ո՛չ էլեկտրականություն, ո՛չ ջուր։
Նախօրեին Պենտագոնը հայտարարել է այն մասին, որ Սուդանից ամերիկացի դիվանագետների հնարավոր տարհանման նախապատրաստման շրջանակում Արևելյան Աֆրիկա կուղարկի իր զինվորականներին։ The Politico-ի տեղեկություններով՝ ամերիկացի զինվորականները կուղարկվեն Ջիբութի։
