17.02.2026 | 17:08
Ընտրություններին հայտ ներկայացրած ուժեր կան, որոնց գումարների ծագումից տեղյակ չենք․ փորձագետ. ՏԵՍԱՆՅՈՒԹ
Ապրիլյան պատերազմի ժամանակ որևէ դասալիք չի եղել. Տիգրան Աբրահամյան․ ՏԵՍԱՆՅՈՒԹ
Քաղաքականություն
21.04.2023 | 11:51
«Անկախ այն հանգամանքից, թե այս կամ այն պաշտոնյան, իշխանության ներկայացուցիչը ինչ գեղեցիկ բառերով է ներկայացնում իր գործունեությունը, ստուգատեսը առաջնագծում է: Իսկ հասարակությունն անընդհատ ականատես է լինում մարդկային և տարածքային խոշոր կորուստների, ինչով է պատասխան է տրվում, թե առկա փոփոխությունները ծառայում են իրենց նպատակին, թե ոչ»,- այս մասին հրատապ հրավիրված ասուլիսի ժամանակ հայտարարեց ԱԺ «Պատիվ ունեմ» խմբակցության քարտուղար Տիգրան Աբրահամյանը՝ հավելելով, որ աառաջնագծում կա լրացուցիչ համալրումների կարիք, բայց իշխանությունը չի գնում այդ ճանապարհով։
Պատգամավորը կարևորելով բանակում բարոյահոգեբանական անհրաժեշտ վիճակի ապահովումը՝ նշեց, որ դասալիքների, լրտեսների, չարաշահումներով անցնող գործերի առանձին երևույթները Զինված ուժերի վրա տարծելը լուրջ բարոյահոգեբանական ճգնաժամ է առաջացրել բանակում։
«Վերջերս շահարկման թեմա դարձած՝ ապրիլյան մարտական գործողությունների ժամանակ որևէ դասալիք չի եղել։
Դասալքություն ասվածը վերաբերում է ոչ թե զինծառայողներին, այլ օրվա քաղաքական իշխանություններին»,- նշեց ընդդիմադիր պատգամավորը՝ հավելելով, որ սեփական մեղքերը մեղմելու կամ հանրության ոադրությունը շեղելու նպատակով իշխանությունն ինքն է հարվածներ հասցնում Զինված ուժերին և իր քայլերով լուրջ ճգնաժամ ստեղծում։
Աբրահամյանի խոսքով՝ կառավարության առաջնային խնդիրն է երկրի անվտանգության և տարածքային ամբողջականության ապահովումը, ինչն այս կառավարությանն ակնհայտորեն չի հաջողվել:
«Իշխանությունը պետք է գիտակցի՝ սեփական կաշին փրկելու համար պետության հիմնասյունը որևէ պարագայում չեն սղոցում»,- ընդգծեց ընդդիմադիր պատգամավորը։
Մանրամասները՝ տեսանյութում:
