27.06.2026 | 09:03
ԱԱ-2026. Բելգիան ու Եգիպտոսը նվաճեցին փլեյ-օֆֆի ուղեգիր. ՏԵՍԱՆՅՈՒԹ
G7-ի երկրները քննարկում են Ռուսաստան ապրանքների արտահանման գրեթե ամբողջական արգելք սահմանելու հարցը
Քաղաքականություն
21.04.2023 | 18:22
G7 երկրները (Մեծ Բրիտանիա, Գերմանիա, Իտալիա, Կանադա, Ֆրանսիա, Ճապոնիա, ԱՄՆ) քննարկում են գրեթե բոլոր ապրանքների Ռուսաստան արտահանման արգելք սահմանելու հարցը։ Այս մասին հայտնում է Kyodo-ն՝ հղում անելով Ճապոնիայի կառավարության աղբյուրին։ Գործակալության զրուցակցի խոսքով՝ նոր սահմանափակումները կարող են ազդել օգտագործված մեքենաների, անվադողերի, կոսմետիկ միջոցների և հագուստի մատակարարման վրա։
Այնուամենայնիվ, ավելի վաղ՝ այսօր՝ ապրիլի 21-ին, Ճապոնիայի էկոնոմիկայի, առևտրի և արդյունաբերության նախարար Յասուտոշի Նիշիմուրան Տոկիոյում կայացած մամուլի ասուլիսում հրաժարվել է մեկնաբանել Ռուսաստան արտահանման ամբողջական արգելքի հնարավորությունը։ Նա նշել է, որ այդ հարցը «վերաբերում է դիվանագիտական բանակցություններին»։Պատժամիջոցների շրջանակում Ճապոնիան արդեն դադարեցրել է ավտոմեքենաների արտահանումը Ռուսաստան։
