Քաղաքականություն
21.04.2023 | 12:09
ԱՄՆ վարչակազմը նախազգուշացրել է Ուկրաինայի իշխանություններին, որ ուկրաինական զորքերը կարող են շրջափակման մեջ հայտնվել, եթե շարունակեն պաշտպանել Բախմուտը: Վաշինգտոնը խորհուրդ է տվել Կիևին լքել քաղաքը և դրանով իսկ նվազեցնել կորուստները, հայտնում է The Washington Post-ը՝ հղում անելով Պենտագոնի փաստաթղթերին, որոնք հայտնվել են համացանցում։
Հրատարակչությունը հղում է կատարում «հույժ գաղտնի» մակագրությամբ փաստաթղթին, որում ասվում է, որ Վաշինգտոնը զգուշացնում է Կիևին Բախմուտի մերձակայքում ռուսական զորքերի մշտական առաջխաղացման մասին, որը շարունակվում է նոյեմբեր ամսից, և որ Ուկրաինայի ԶՈւ զինվորները կարող են հայտնվել «շրջափակման վտանգի տակ, եթե զորքերը հաջորդ ամսվա ընթացքում դուրս չբերվեն»,-փոխանցում է WP-ը։ Իսկ թե երբ է գրվել փաստաթուղթը, չի նշվում։ Բախմուտը տեղակայված է Դոնեցկից 60 կմ հյուսիս։ Քաղաքի համար մարտերը շարունակվում են արդեն կես տարուց ավելի։
