26.02.2026 | 13:51
Ես մեղադրանքը չեմ առաջադրել. Թորոսյանը` Դավիթ Սանասարյանի դեմ ցուցմունք տալու և վճռի մասին․ ՏԵՍԱՆՅՈՒԹ
Ռուսական Սու-34-ի ավիառումբն ընկել է Բելգորոդի վրա
Քաղաքականություն
21.04.2023 | 10:54
Բելգորոդի կենտրոնական հատվածում ապրիլի 20-ի երեկոյան ավիառումբ է պայթել․ այն քաղաքի վրա վայր է գցել ռուսական Սու-34 ռազմական ինքնաթիռը։ ՌԴ պաշտպանության նախարարությունը միջադեպն անվանել է «ավիացիոն զինամթերքի արտակարգ դուրսթափում», փոխանցում է DW-ի ռուսական ծառայությունը։
«Ապրիլի 20-ին Բելգորոդ քաղաքի վրայով ռազմատիեզերական ուժերի Սու-34 ինքնաթիռի թռիչքի ժամանակ տեղի է ունեցել ավիացիոն զինամթերքի արտակարգ դուրսթափում։ Արդյունքում բնակելի շենքեր են վնասվել, տուժածներ չկան։ Կատարվում է հետաքննություն», – ասված է նախարարության հաղորդագրության մեջ։
ՌԴ ՊՆ-ն այլ մանրամասներ չի հայտնում։
Ավելի վաղ Բելգորոդի մարզի նահանգապետ Վյաչեսլավ Գլադկովը Telegram-ի իր ալիքում գրել էր, որ պայթյունից հետո «կենտրոնական փողոցներից մեկի խաչմերուկում գոյացել է հսկայական փոս՝ 20 մետր շառավղով:
«Մոտակա բազմաբնակարան շենքի ապակիները վնասվել են, պայթյունի ալիքից վնասվել են մի քանի կայանված մեքենաներ , էլեկտրահաղորդման գծեր են տապալվել»,- նշված է նրա գրառման մեջ։
https://t.me/vvgladkov/2002
