16.05.2026 | 11:00
Դեսպան Նարեկ Մկրտչյանը հանդիպել է The James Madison Institute-ի փոխնախագահի հետ
Ալեն Սիմոնյանը սպառնում է նորից թքել. ԱԱԾ-ականներն ընդդիմադիր պատգամավորներին ԱԺ-ից դուրս հանեցին․ ՏԵՍԱՆՅՈՒԹ
Քաղաքականություն
20.04.2023 | 22:52
Այսօր Ազգային ժողովում հերթական աղմկոտ միջադեպը գրանցվեց, դարձյալ ուղեկցվելով բռնությամբ։ Կառավարության ծրագրի կատարողականի քննարկման ընթացքում իրավիճակը լարվեց, երբ ԱԺ «Պատիվ ունեմ» խմբակցության պատգամավոր Թագուհի Թովմասյանը, սպառելով իր ելույթի համար նախատեսված 10 րոպեն, հայտարարեց, որ ամբիոնի մոտից չի հեռանում։ Մինչ ընդդմիադիր պատգամավորը կոչ էր անում գործընկերներին մոտենալ ամբիոնին և միանալ իր նախաձեռնած ակցիային, Ալեն Սիմոնյանը ներս հրավիրեց ԱԱԾ ՊՊԾ ծառայողներին, ապա հրահանգեց դադարեցնել լիագումար նիստի ուղիղ հեռարձակումը։ Ընդդիմադիրներին ԱԺ դահլիճից բռնություններով դուրս հանելու օպերացիային ներկա էր նաև ՊՊԾ ղեկավար Սարգիս Հարությունյանը, սակայն, նրա ղեկավարած կառույցի աշխատանքերին ցուցումներ տալիս էր ԱԺ նախագահը։
Նիստերի դահլիճում իրավիճակն ավելի թեժացավ, երբ անվտանգության աշխատակիցները Ալեն Սիմոնյանի կողմից հրահանգներ ստանալուց հետո սկսեցին հեռացնել ընդդիմադիր պատգամավորներին։ Ալեն Սիմոնյանը Թագուհի Թովմասյանին և Աննա Մկրտչյանին հեռացնելով չբավարարվեց․ ԱԺ նախագահի հրահանգից մեկ րոպե էլ չանցած անվտանգության աշխատակիցների թիրախում հայտնվեց ՀՅԴ-ական պատգամավոր Քրիստինա Վարդանյանը։
Ալեն Սիմոնյանը ընդդիմադիր պատգամավորների դժգհություններին ի պատասխան սպառնաց՝ եթե պետք լինի կթքի։ Հիշեցնենք՝ Ալեն Սիմոնյանն ապրիլի սկզբին Կասկադում զբոսնելիս իրեն «դավաճան» անվանելու համար թքել էր քաղաքացու վրա։ Ալեն Սիմոնյանն այս փաստը չէր հերքել, իսկ չորս օր անց ՀՀ բոլոր քաղաքացիներից ներողություն էր խնդրել։ Ի դեպ, այսօր մինչ խորհրդարանում տեղի ունեցած այս միջադեպը Նիկոլ Փաշինյանը հրաժարվել էր գնահատական տալ Ալեն Սիմոնյանի պահվածքին։ Անպատժելի Ալեն Սիմոնյանն այսօրվա միջադեպից հետո ինքն է պատգամավորներին պատժում՝ չթսղնելով նիստերին դահլիճ։ Խորհրդարանի դահլիճում տեղի ունեցածը Թագուհի Թովմասյանը որակեց ապօրինություն, նրա գնահատմամբ՝ Ազգային ժողովի նախագահի հրահանգով իրեն ու գործընկերներին բիրտ ուժով են դուրս հանել Ազգային ժողովի դահլիճից։
Մանրամասները՝ տեսանյութում։
Նարեկ Կիրակոսյան
