12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
ԱՄՆ-ը և դաշնակիցները դիտարկում են դեպի ՌԴ արտահանման ամբողջական արգելք սահմանելու հնարավորությունը. Bloomberg
Քաղաքականություն
22.04.2023 | 18:26
Ուկրաինայի մի շարք առանցքային դաշնակիցներ, այդ թվում՝ ԱՄՆ-ը, դիտարկում են Ռուսաստան արտահանման գրեթե ամբողջական արգելք սահմանելու հարցը, հայտնում է Bloomberg-ը, որին վկայակոչում է BBC-ի ռուսական ծառայությունը։
Լրատվամիջոցի աղբյուրների հանաձայն՝ «Մեծ յոթնյակի» պաշտոնյաները քննարկում են գագաթնաժողովի նախաշեմին այդ գաղափարը։ Ենթադրվում է, որ ի վերջո նմանատիպ արգելող միջոցներ կկիրառվեն ԵՄ անդամ երկրների կողմից։
Նշվում է, որ այս առաջարկը դեռ քննարկվում և կարող է փոխվել։ Նման մոտեցումը կարող է ամբողջովին փոխել գործող պատժամիջոցների ռեժիմը՝ արգելելով Ռուսաստանին որևէ բան վաճառել, բացառությամբ թույլատրված ապրանքների փոքր ցանկի։
Եթե «Մեծ յոթնյակի» առաջնորդները հավանություն տան Ճապոնիայի գագաթնաժողովում քննարկվող այս միջոցառումներին, ապա համաձայնեցվեն նաև պատժամիջոցների կանոններից բացառությունների ցանկը։ Ըստ Bloomberg-ի աղբյուրների՝ դրա մեջ կընկնեն դեղամիջոցներ և սնունդ։
Այսօր ավելի վաղ էլ Financial Times-ը հայտնել էր, որ, ըստ ԵՄ պաշտոնյաների՝ մոտ ապագայում Ռուսաստանի դեմ նոր պատժամիջոցներ չեն լինի։Արևմտյան երկրների իշխանությունները, հավանաբար, սահմանափակվելու են պատժամիջոցների ենթարկված անձանց ցուցակների ընդլայնմամբ և արդեն իսկ ընդունված արգելքները շրջանցելու դեմ միջոցների խստացմամբ։
