07.10.2026 | 23:48
Արթուր Դանիելյանը կալանավորվեց
ՌԴ Տուլայի մարզում ԱԹՍ է ընկել
Քաղաքականություն
19.04.2023 | 21:53
ՌԴ Տուլայի մարզի Շչեկինո շրջանում անօդաչու թռչող սարք է ընկել անտառային գոտում։ Այս մասին հայտնում է Անվտանգության տարածաշրջանային կոմիտեն, գրում է Meduza-ն։ Նշվում է, որ բնակչության անվտանգությանն ու ենթակառուցվածքներին սպառնացող վտանգ չկա։
Mash տելեգրամ ալիքը պնդում է, որ պայթուցիկներով անօդաչու թռչող սարքը թռել է Պերվոմայսկայա ՋԷԿ-ի ուղղությամբ և ընկել Մինինո գյուղի մոտ։ Հաղորդվում է, որ այն իջեցրել են ռադիոէլեկտրոնային միջոցներով։ Տելեգրամ Shot ալիքն էլ գրում է, որ երկուսուկես մետր թևերի բացվածքով անօդաչու թռչող սարքը թռչել է ցածր բարձրության վրա և բախվել ծառին։
Տուլայի շրջանում անօդաչու սարքերի հետ կապված սա արդեն չորրորդ միջադեպն է։
Ուկրաինա ռուսական լայնամասշտաբ ներխուժման սկզբից ի վեր պարբերաբար տեղեկություններ են տարածվում անօդաչու թռչող սարքերի հարձակումների մասին Ռուսաստանի տարբեր շրջաններում։
Էմմա Չոբանյան
