13.01.2025 | 18:26
«Մայր Հայաստան» խմբակցությունը Երևանի ավագանու արտահերթ նիստ կգումարի
Չինաստանում պատմել են Մակրոնի «խաղաղության ծրագրի» նկատմամբ վերաբերմունքի մասին
Քաղաքականություն
19.04.2023 | 22:44
Չինաստանն աջակցում է Ուկրաինայի վերաբերյալ Եվրոպական խաղաղության նախաձեռնությանը` հիմնված իր հիմնարար և երկարաժամկետ շահերի վրա: Այս մասին ապրիլի 19-ին հայտարարել է Չինաստանի ԱԳՆ պաշտոնական ներկայացուցիչ Վան Վենբինը, հայտնում է korrespondent-ը։
Նշվում է, որ նա այսպես է պատասխանել հարցին, թե ինչպես է Պեկինը վերաբերվում Ֆրանսիայի նախագահ Էմանուել Մակրոնի «խաղաղության նախաձեռնությանը», որը նախատեսում է Ուկրաինայի և Ռուսաստանի Դաշնության միջև բանակցությունների նախապատրաստում։
«Չինաստանն աջակցում է եվրոպական կողմին՝ իր հիմնարար և երկարաժամկետ շահերի հիման վրա խաղաղ բանակցությունների շուտափույթ վերսկսմանը նպաստելու հարցում՝ հաշվի առնելով բոլոր կողմերի օրինական մտահոգությունները և զարգացնելու հավասարակշռված, արդյունավետ և կայուն եվրոպական անվտանգության համակարգ»,- ասել է Վենբինը։
Նրա խոսքով՝ «Ուկրաինայի հարցում Չինաստանի դիրքորոշումը միշտ հստակ է եղել», իսկ Պեկինի տեսակետները Ուկրաինայի պատերազմի քաղաքական կարգավորման վերաբերյալ «պարունակում են համապարփակ ու համակարգված բացատրություն»։
Ավելի վաղ հաղորդվել էր, որ Ֆրանսիայի նախագահն Ուկրաինայում պատերազմի խաղաղ կարգավորման ծրագիր է մշակել, որը մտադիր է իրականացնել Չինաստանի օգնությամբ։ Եթե այն կյանքի կոչվի, Մոսկվայի և Կիևի միջև բանակցությունները կարող են տեղի ունենալ այս ամառ։
