16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Եվրախորհրդարանը Կոսովոյի հետ առանց վիզային ռեժիմին հավանություն է տվել
Քաղաքականություն
18.04.2023 | 23:06
Եվրախորհրդարանն այսօր՝ ապրիլի 18-ին, հավանություն է տվել Կոսովոյի հետ առանց վիզային ռեժիմի մասին համաձայնագրին։ Այս մասին հայտնում է ԵՄ օրենսդիր մարմնի մամուլի ծառայությունը։
Նշվում է, որ Կոսովոյի քաղաքացիներին կթույլատրվի մեկնել ԵՄ, իսկ ԵՄ քաղաքացիներին՝ Կոսովո՝ առանց վիզա տրամադրելու մինչև 90 օր։
Առանց վիզային ռեժիմն ուժի մեջ կմտնի Եվրոպական ճանապարհորդական տեղեկատվության և թույլտվության համակարգի (ETIAS) ուժի մեջ մտնելուց կամ 2024 թվականի հունվարի 1-ից հետո: Ապրիլի 19-ին, համապատասխան ակտը Ստրասբուրգում կստորագրեն Եվրախորհրդարանի նախագահ Ռոբերտա Մեցոլան և ԵՄ խորհուրդը նախագահող Շվեդիան։
Եվրախորհրդարանը հիշեցրել է, որ Կոսովոն ԵՄ անդամակցության պոտենցիալ թեկնածու է և միակողմանիորեն հռչակել է իր անկախությունը 2008 թվականի փետրվարին։
Կոսովոյի անկախությունը չեն ճանաչում ԵՄ անդամ հինգ երկրներ (Կիպրոս, Հունաստան, Ռումինիա, Սլովակիա և Իսպանիա):
Տաթև Ֆռանգյան
