07.10.2026 | 23:48
Արթուր Դանիելյանը կալանավորվեց
Թուրքիայի գլխավոր ընդդիմադիր կուսակցությունը հայց է ներկայացրել TRT-ի դեմ նախընտրական գովազդը չհեռարձակելու համար
Քաղաքականություն
18.04.2023 | 21:46
Թուրքիայի գլխավոր ընդդիմադիր Ժողովրդահանրապետական կուսակցությունը (CHP) հայց է ներկայացրել Թուրքիայի հանրային հեռարձակողի բարձրաստիճան պաշտոնյաների դեմ՝ իրենց նախընտրական գովազդը չհեռարձակելու և այդ հարցում կուսակցության բազմաթիվ խնդրանքներն անտեսելու համար, գրում են տեղական լրատվականները։ Կուսակցությունը մեղադրել է TRT-ին մայիսին կայանալիք ընտրություններից առաջ կողմնակալ հեռարձակման մեջ։
«Մենք հեգնական ենք համարում TRT-ի անօրինական վերաբերմունքը, քանի որ նրանք, իբր, անաչառ են: Ավելին, այդ վերաբերմունքը ֆինանսական վնաս է պատճառում հաստատությանը»,- ասվում է CHP-ի դիմումում ուղղված TRT-ի գլխավոր տնօրինությանը:
TRT-ից պատասխան չստանալուց հետո CHP-ն քրեական գործ է հարուցել։ CHP-ի ղեկավարի՝ ԶԼՄ-ների համար պատասխանատու ավագ խորհրդական Թունջայ Օզքանը մամուլի ասուլիսում հայտարարել է, որ բողոքը ներառում է նաև TRT-ի ենթադրյալ կողմնակալ հեռարձակումը։ Ըստ Թունջայի՝ TRT-ն հեռարձակում է նախագահ Ռեջեփ Թայիփ Էրդողանի և Ազգայնական շարժում կուսակցության նախագահ Դևլեթ Բահչելիի խորհրդարանական խմբի ելույթները, սակայն CHP խմբի հանդիպումների լուսաբանումը սահմանափակում է ընդամենը 10 րոպեով։
Կուսակցությունը նաև դիմումի մեջ քրեական գործի հարուցում է պահանջում պետական հեռարձակողի բոլոր բարձրաստիճան պաշտոնյաների դեմ։
Թուրքիայում մայիսի 14-ին տեղի են ունենալու նախագահական և խորհրդարանական ընտրություններ։ Նախագահ Էրդողանի գլխավոր մրցակիցը CHP-ի առաջնորդ, վեց կուսակցությունների միասնական թեկնածու Քեմալ Քըլըչդարօղլուն է։
