24.05.2026 | 10:04
Ախալքալաք-Կարս երկաթուղին այլևս բաց է Հայաստանից արտահանումների և ներմուծումների համար․ Փաշինյան
Ամենայն Հայոց Կաթողիկոսը հանդիպել է վիրահայ ուխտավորների հետ
26.06.2018 | 19:00
Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում հանդիպել է Վիրահայոց թեմի Ախալցխայի ուխտավորների հետ:
Ախալցխայի հոգևոր հովիվ Հոգեշնորհ Տ. Հակոբ աբեղա Սահակյանը Նորին Սրբությանը տեղեկացրել է ուխտագնացության ծրագրի մասին` շնորհակալություն հայտնելով Վեհափառ Հայրապետին ջերմ ընդունելության համար: Հայր Սուրբը նաև ուխտավորների սերն ու զորակցությունը փոխանցեց Ամենայն Հայոց Կաթողիկոսին` մտահոգություն հայտնելով եկեղեցական կյանքի վերջին օրերի զարգացումների առնչությամբ:
Ամենայն Հայոց Հայրապետը նշել է, որ Մայր Աթոռ Սուրբ Էջմիածինը մշտապես սիրով է ընդունում ուխտի եկած իր զավակներին:
Նորին Սրբությունն ընդգծել է, որ հովվապետական ացելությունների ժամանակ մշտապես տեսել է ջավախահայության զորավոր հավատքը, ազգային նկարագիրը կերտելու ջանքն ու եռանդը, ինչպես նաև անսակարկ սերն ու նվիրումը համայն հայության հոգևոր կենտրոնի նկատմամբ: Գարեգին Բ Վեհափառը նշեց, որ Ջավախքի հայությունն ամուր կամուրջ է հանդիսանում հայ-վրացական բարեկամական հարաբերություններում:
Հայոց Հովվապետը հորդորել է ուխտավորներին շարունակել ապավինել հայ ժողովրդի սրբություն սրբոցին` Սուրբ Էջմիածնին` մշտապես իրենց հոգում վառ պահելով պայծառ գալիքի հույսը:
