05.08.2026 | 16:54
Պուտինը հայտարարել է ռուսական բանակում վերադասավորումների մասին
Գոռ Սահակյանը՝ ծանրամարտի Եվրոպայի չեմպիոն
17.04.2023 | 21:57
Երևանում ընթացող ծանրամարտի Եվրոպայի առաջնությանը 67կգ քաշային կարգում Գոռ Սահակյանը դարձավ Եվրոպայի չեմպիոն։
Մեր մարզիկը երկամարտում հավաքեց 320 կիլոգրամ և նվաճեց մեծ ոսկին։ Պոկում վարժությունում նա առաջին տեղը գրավեց 145 կգ արդյունքով և 4 կգ-ով գերազանցեց 2-րդ տեղը գրաված թուրք մարզիկին: Հրում վարժությունում Գոռն առաջին մոտեցման համար պատվիրել էր ամենաբարձր՝ 170 կգ քաշը: Առաջին մոտեցմամբ Գոռը բարձրացրեց ծանրաձողն ու ապահովեց չեմպիոնությունը: Արդեն չեմպիոնի կարգավիճակում երկրորդ մոտեցմամբ նա բարձրացրեց 175 կգ և հրաժարվեց 3-րդ մոտեցումից։
Արդյունքում Գոռը նվաճեց 2 փոքր ոսկի և 1 մեծ ոսկի մեդալ՝ հռչակվելով Եվրոպայի չեմպիոն։
