08.10.2026 | 14:15
Տոկաևն առաջարկել է Միջին միջանցքն ինտեգրել TRIPP-ին
Թուրքիայի ընտրություններում ընդդիմության հաղթանակը կարող է Արևմուտքի հետ մերձեցման տանել
Քաղաքականություն
17.04.2023 | 23:30
Bluebay Asset Management-ի ստրատեգ Թիմոթի Էշը նշել է, որ եթե Քեմալ Քըլըչդարօղլուն հաղթի ընտրություններում, Թուրքիան կարող է հետ բերել 120 միլիարդ դոլարի ներդրումներ, որոնք վերջին տարիներին դուրս են եկել Թուրքիայից, գրում է Gercek news-ը։
Բրիտանացի հայտնի տնտեսագետը նշել է, որ Թուրքիան վերջին տարիներին ունեցել է 120 միլիարդ դոլարի արտասահմանյան ինստիտուցիոնալ ներդրումների զանգվածային արտահոսք՝ կապված կառավարության տնտեսական քաղաքականության հետ և հավելել, որ եթե ընդդիմադիր դաշինքը հաղթի ընտրություններում, այն կարող է բերել «երկրորդ մեղրամսի» Արևմուտքի հետ, քանի որ օտարերկրյա ներդրումների վերադարձ է սպասվում։
«Նրանք վստահություն չունեն Թուրքիայի համար բացասական ցուցանիշների և այն տպավորությունների պատճառով, որ երկիրը մշտապես գտնվում է ճգնաժամի եզրին: Բավականին դժվար է այս միջավայրում թուրքական լիրայով արտահայտված ակտիվներում ներդրումներ կատարելը պաշտպանելը»,-ասել է Էշը։ Տնտեսագետը գնահատել է նաև Թուրքիայի գործող նախագահ Ռեջեփ Թայիփ Էրդողանի հաղթանակի հետևանքները։
«Առաջին հերթին թուրքական լիրան կարժեզրկվի, Կենտրոնական բանկը ստիպված կլինի բարձրացնել տոկոսադրույքները, արժույթի շուկայական արժեքի զգալի անկում կլինի։ Հնարավոր է կապիտալի հետագա արտահոսք»,-նշել է Թիմոթի Էշը։
Էմմա Չոբանյան
