ՌԴ-ն ճնշում է գործադրել ՀՀ-ի վրա․ պարտադրել են ԵՏՄ-ի միջոցով արգելել ներկրումները, սերտիֆիկացում անել․ չպիտի՛ ընկրկենք․ Ռոբերտ Ղևոնդյան․ ՏԵՍԱՆՅՈՒԹ

Երեկ երեկոյան Ադրբեջանի ԶՈՒ-ի ստորաբաժանումները տարբեր տրամաչափի հրաձգային զենքերից կրակ են բացել Սոթքի ուղղությամբ տեղակայված հայկական դիրքերի ուղղությամբ։ Ըստ ՀՀ ՊՆ-ի՝ հայկական կողմը կորուստներ չունի: Ժամը 10:00-ի դրությամբ իրադրությունն առաջնագծում հարաբերականորեն կայուն է: Ադրբեջանի ՊՆ-ն հերքել է սահմանին հայկական բանակի դիրքերը գնդակոծելու մասին հաղորդագրությունը։ Սակայն  GeoProMining Gold ընկերությունից ևս հայտնեցին, որ ադրբեջանցիները ապրիլի 15-ի երեկոյան ու 16-ի առավոտյան կրակել են ոսկու հանքի ուղղությամբ։ Աշխատանքը դադարեցվել է։

Գնահատելով իրավիճակը՝ Անվտանգության քաղաքականության հետազոտական կենտրոնի փորձագետ, քաղաքագետ Ռոբերտ Ղևոնդյանն ասում է, որ Ադբեջանն ունի սադրանքների ռազմավարություն, և այս գործողությունն իրականացվում է դրա շրջանակում․

«Ադրբեջանի սադրանքներն էմոցիոնալ մի ընդունեք։ Նրա իրականացրած ագրեսիաների մասին պետք է միջազգային հանրությանը տալ տվյալներ։ Ադրբեջանի սադրանքները կարող են լինել թափանցումների, ռազմական ագրեսիայի ձևով։ Դրանք շարունակվելու են, պիտի հարմարվենք և ամրացնենք սահմանները, պաշտպանունակությունը։ Ադրբեջանի ռազմական սադրանքները կվազեն, եթե մեծ կորուստներ պատճառենք՝ ուժեղ պատասխանելով։ Դրանք չեն վերանալու, քանի որ ադրեջանական այս սադրանքների ռազմավարության նպատակը ՀՀ-ի պետականության վերացումն է»,- ասաց փորձագետը։

Հարցազրույցն ամբողջությամբ՝ տեսանյութում։

Ռոբերտ Անանյան