14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Թեհրանը հայտարարում է, որ Իսրայելը Իրանի ու Ադրբեջանի թշնամին է
Քաղաքականություն
17.04.2023 | 22:31
Իրանի ԱԳՆ խոսնակ Նասեր Քանանին այսօրվա ճեպազրույցում կրկին անդրադարձել է Ադրբեջանի հետ հարաբերությունների լարվածությանը, գրում է Mehr գործակալությունը։ Նա հայտարարել է, որ Իսրայելը Ադրբեջանի ու Իրանի թշնամին է։ Ըստ Քանանիի՝ Իրանը շեշտը դնում է բարիդրացիության և բարեկամական հարաբերություններով, փոխադարձ հարգանքով և ընդհանուր շահերի վրա կենտրոնացած հարաբերությունների վրա՝ հասկանալով, որ «ոմանք շահում են երկու երկրների միջև առկա տարաձայնություններից»: Այս լարվածությունն էլ փորձել է հաղթահարել դիվանագիտական նախաձեռնություններով և այդ գործընթացում կա որոշակի հաջողություն։
«Արտաքին գործերի նախարարների միջև հեռախոսազրույցների երեք փուլերը դրական զարգացում էին, որը մեզ հանգեցրեց ընդհանուր մոտեցման՝ ստեղծված իրավիճակը հաղթահարելու և երկու երկրների միջև լարվածությունը թուլացնելու համար: Դրանից ելնելով էլ սահմանվել են այն գործողություններն ու քայլերը, որոնք մենք իրականացնում ենք այս ուղղությամբ։ Մենք հույս ունենք հաղթահարել խնդիրներն ու թյուրիմացությունները և երկու երկրների հարաբերությունները, որոնք հիմնված են բարիդրացիական քաղաքականության վրա, կուղղորդենք բնական ու շահավետ գործընթաց»,-ասել է Քանանին։
Հավելենք,որ ապրիլի 15-ին տեղի էր ունեցել Իրանի ու Ադրբեջանի ԱԳ նախարարներ՝ Հոսեյն Ամիր Աբդոլահիանի ու Ջեյհուն Բայրամովի վերջին շրջանում արդեն երրորդ հեռախոսազրույցը։ Կողմերը քննարկել էին Ադրբեջանի և Իրանի միջև երկկողմ հարաբերություններում առկա իրավիճակը։
Էմմա Չոբանյան
