02.04.2026 | 22:10
Ավստրիան հայտարարել է, որ մերժել է ԱՄՆ-ին իր օդային տարածքը օգտագործել
Թրամփը չի շտապում շնորհավորել Էրդողանին
Քաղաքականություն
26.06.2018 | 16:32
ԱՄՆ-ի նախագահը չի շտապում շնորհավորել Էրդողանին: Սպիտակ տան խոսնակ Սարահ Սանդերսը հայտարարել է, որ առաջիկայում Դոնալդ Թրամփը հեռախոսազրույց կունենա Թուրքիայի նախագահի պաշտոնում վերընտրված Ռեջեփ Թայիփ Էրդողանի հետ։ Խոսնակը, սակայն, հստակ ժամկետներ չի նշել. տեղեկացնում է ermenihaber-ը:
Սանդերսը, խոսելով Թուրքիայում հունիսի 24-ին տեղի ունեցած արտահերթ խորհրդարանական և նախագահական ընտրությունների մասին, թուրքական իշխանություններին կոչ է արել ուժեղացնել ժողովրդավարությունը Թուրքիայում։
Սանդերսը նաև Թուրքիայի իշխանություններին կոչ է արել շարունակել ջանքեր գործադրել թուրք-ամերիկյան հարաբերություններում առկա խնդիրների լուծման ուղղությամբ:
Պատասխանելով այն հարցին, թե երկու նախագահների միջև երբ տեղի կունենա հեռախոսազրույց, ամերիացի պաշտոնյան ասել է, որ այդ ուղղությամբ աշխատանքներ են տարվում։
Հիշեցնենք, որ հունիսի 24-ին կայացած ընտրությունների նախնական տվյալներով՝ Թուրքիայի նախագահ Ռեջեփ Թայիփ Էրդողանը վերընտրվել է իր պաշտոնում, իսկ նրա ղեկավարած «Արդարություն և զարգացում» (ԱԶԿ-AKP) կուսակցությունը հաղթել է խորհրդարանական ընտրություններում։
