16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Կարող էի ծանրամարտի Եվրոպայի առաջնության ոսկե մեդալի համար պայքարել. Իզաբելլա Յայլյան
16.04.2023 | 21:53
Հայաստանի կանանց ծանրամարտի հավաքականի անդամ, Եվրոպայի առաջնության բրոնզե մեդալակիր Իզաբելլա Յայլյանը երևանյան մրցաշարում իր նվաճած մեդալը կարևոր ձեռքբերում է համարում մեծահասակների պայքարում:
«Իրականում շատ ուրախ եմ, որ վերջապես կարողացա մեծահասակների պայքարում մեդալ նվաճել: Արդյունքիցս մի փոքր գոհ չեմ, քանի որ կարող էի պայքարել ոսկե մեդալի համար: Մարզումների ընթացքում ավելի շատ եմ բարձրացրել»,-«Արմենպրես»-ի հարորդմամբ` լրագրողների հետ զրույցում ասաց Յայլյանը:
Եվրոպայի առաջնության բրոնզե մեդալակիրը շեշտեց, որ ֆիզիկապես պատրաստ էր այս առաջնությանը, իսկ պոկում վարժության դժվարությունները պայմանավորված էին լարվածությամբ:
«Երկրպագուների ոգևությունը շատ կարևոր էր, գուցե հենց նրանց օգնությամբ դարձա բրոնզե մեդալակիր»,-ասաց նա:
Երևանում ընթացող ծամրամարտի Եվրոպայի առաջնությունում պայքարը սկսեցին Հայաստանի կանանց հավաքականի ներկայացուցիչները: Պոկում վարժությունում Իզաբելլա Յայլյանը միայն երրորդ մոտեցմամբ բարձրացրեց 87 կգ և նվաճեց փոքր բրոնզե մեդալ: Հրում վարժությունում Յայլյանը նախ գլխավերևում պահեց 105, ապա 109 կգ՝ այս վարժությունում ևս դառնալով բրոնզե մեդալակիր: Նա երրորդն է նաև երկամարտի արդյունքով՝ 196 կգ։
